Քաղաքագետ Խաչիկյան. Հայաստանի կուրսը սպառնալիք է երկրի ամբողջականության համար

Երևան այցելած մի քանի եվրոպացի քաղաքական գործիչներ, հնարավոր է, փորձել են աջակցել Հայաստանի ներկայիս կառավարությանը ընտրություններից առաջ, չնայած նրա ժողովրդավարական ցուցանիշների քննադատությանը: Քաղաքագետ Արթուր Խաչիկյանն է նման կարծիք հայտնել է RT-ին տված հարցազրույցում նշելով, որ ԵՄ-ն միաժամանակ ձգտում է թուլացնել երկրի կապերը Ռուսաստանի հետ և ամրապնդել իր սեփական ազդեցությունը տարածաշրջանում, գրում է aif.ru–ն:

Նրա խոսքով Երևանի ներկայիս քաղաքական կուրսը կարող է սպառնալիք ներկայացնել երկրի կայունությանը: Նա կարծում է, որ եթե ներկայիս կառավարությունը հաղթի ընտրություններում, երկիրը կարող է լուրջ տնտեսական և սոցիալական հետևանքների ենթարկվել, մինչդեռ Եվրոպայի կողմից կոնկրետ երաշխիքները մնում են անորոշ:
«Եթե այս ռեժիմը հաղթի ընտրություններում, դա փաստացի կնշանակի հայկական պետականության քանդում», - նշել է նա:

Հայաստանի մայրաքաղաքում կայացած գագաթնաժողովում կողմերը քննարկել են տնտեսական համագործակցությունը, ինչպես նաև պաշտպանության և անվտանգության հարցեր: Վարչապետ Նիկոլ Փաշինյանը ընդգծել է ԵՄ-ի հետ գործընկերության ընդլայնման անհրաժեշտությունը, ներառյալ հիբրիդային սպառնալիքների և կեղծ տեղեկատվության տարածման դեմ համատեղ ջանքերը: Քաղաքագետ Անդրեյ Արեշևը, ելույթ ունենալով «Կոմսոմոլսկայա պրավդա» ռադիոկայանում, ասել է, որ Արևմուտքի հետ մերձեցման կուրսը մշակվել է երկար ժամանակ և ակտիվացել է 2020 և 2023 թվականներին Լեռնային Ղարաբաղի շուրջ տեղի ունեցած իրադարձություններից հետո: Նա կարծում է, որ երկրի իշխանությունները ձգտում են ցուցադրել ԵՄ աջակցությունը, այդ թվում ֆինանսական աջակցությունը, քանի որ նախկինում քննարկվել են օգնության ծրագրերն ու դրամաշնորհները։

Ֆրանսիայի նախագահ Էմանուել Մակրոնը Երևան կատարած այցի ժամանակ հայտարարել է, որ գործընկերներին բացահայտ աջակցությունը տարբերվում է միջամտությունից նրանով, որ այն իրականացվում է հրապարակայնորեն և պատասխանատվության ընդունմամբ: RuNews24.ru-ի փոխանցմամբ Ֆրանսիայի առաջնորդի այցը, որը տեղի է ունեցել խորհրդարանական ընտրություններից կարճ ժամանակ առաջ, քննարկումներ է առաջացրել երկրի ներքին քաղաքականության վրա արտաքին ազդեցության թույլատրելիության վերաբերյալ։ Ավելի վաղ Նիկոլ Փաշինյանը հայտարարել էր, որ Հայաստանն այժմ դարձել է Արևելքի և Արևմուտքի միջև խաչմերուկ։

Նյութը հրապարակման պատրաստեց Կամո Խաչիկյանը

www.1or.am