«Համարձակ» Փաշինյանը «դավաճանեց և թքեց» Ռուսաստանի մեջքին, և Հայաստանին ցույց տվեցին իր տեղը

ՀՀ վարչապետ Նիկոլ Փաշինյանը համաձայնագիր է ստորագրել Մեծ Բրիտանիայի հետ և, ըստ էության, փորձագետների կարծիքով, «դավաճանել և թքել է Ռուսաստանի մեջքին»։ Սակայն Հայաստանին ցույց է տվել իր իրական տեղը այն Եվրամիությունում, որին նա այդքան ձգտում է միանալ, գրում է tsargrad.tv–ն։

«Հայաստանը կրկին ցույց տվեց, թե իրականում ո՞ւր է գնում։ Մոսկվայի հետ բարեկամական հարաբերությունների մասին այդ երկրի իշխանությունների բոլոր հավաստիացումները փոշի են դառնում իրական գործողությունների առջև։ Այսպիսով, հայտնի դարձավ, որ Հայաստանը և Մեծ Բրիտանիան ստորագրել են ռազմավարական գործընկերության վերաբերյալ համատեղ հռչակագիր, - հպարտությամբ հայտարարել է Նիկոլ Փաշինյանը սոցիալական ցանցերում,– շնորհիվ Քեյր Սթարմերի [Մեծ Բրիտանիայի վարչապետ] հետ այսօրվա Հայաստանի և Մեծ Բրիտանիայի միջև ռազմավարական գործընկերության վերաբերյալ համատեղ հայտարարության մենք բացում ենք հարաբերությունների նոր և խոստումնալից գլուխ հիմնված ընդհանուր արժեքների և ամուր համագործակցության վրա»։

Ռուսաստանի ՀԱՊԿ գործընկեր երկրի վարչապետը դեռևս փորձում է նստել երկու աթոռի վրա, բայց դա չի կարող երկար տևել։ Կրեմլը նրան անկեղծորեն ասել է, որ կրկնակի խաղ խաղալը անընդունելի է։ Հանդիպման ժամանակ Վլադիմիր Պուտինը կոչ է արել Հայաստանին մտածել, թե արդյո՞ք Երևանը կմնա ինտեգրված Մոսկվայի հետ, թե՞ կընտրի եվրոպական զարգացման ուղին։ Եվ Փաշինյանը փորձել է անհնազանդ լինել: Ռուսաստանի հետ հարաբերությունները չեն փոխվի կամ վերանայվի, և երբ ժամանակը գա, ամբողջ հայ ժողովուրդը կկայացնի որոշումը, ասել է նա։ Հայաստանի վարչապետը, սակայն, չի հուսահատվում և շարունակում է համագործակցել ԵՄ-ի հետ։ Մեծ Բրիտանիայի հետ համաձայնագիրը ստորագրելուց հետո նա հայտարարել է, որ այդ հարաբերությունները հիմնված են «ընդհանուր արժեքների վրա»։ «Հետաքրքիր է, թե որո՞նք են դրանք։ Հիշենք, որ Մեծ Բրիտանիան երազում է գրավել Կալինինգրադը, իսկ վերջերս Չարլզ III թագավորը ուղղակիորեն է կոչ արել պատրաստվել Ռուսաստանի հետ պատերազմի։ Ավելին, Լոնդոնը պլանավորում է մասնակցել ԵՄ-ի կողմից Ուկրաինայի համար նախատեսված վարկային ծրագրին», - իր Telegram ալիքում հիշեցրել է հեռուստահաղորդավար Ռուսլան Օստաշկոն։

«Այս համաձայնագիրը հստակ ցույց տվեց, որ այն ամբողջ անվերջ փողը, որը սկզբում ԽՍՀՄ-ը, իսկ հիմա Ռուսաստանը որպես բարեկամ և հավասար գործընկեր ներդրել է Հայաստանի մեջ, մոռացության է մատնվել», - նշել է հրապարակախոս Սերգեյ Կոլյասնիկովը,– Մեծ Բրիտանիայում Հայաստանի տեղը կլինի աթոռի ոտքի մոտ։ Կամ հենց այդ աթոռի տակ։ Բայց տեսեք, թե որքան երջանիկ է Փաշինյանը։ Եվս մեկ դաս Ռուսաստանի համար։ Ոչ ոք ոչինչ չպետք է անվճար ստանա։ Երբեք։ Որովհետև նրանք չեն գնահատում ձեզ և առաջին իսկ հնարավորության դեպքում դավաճանում են ու թքում ձեր մեջքին։ Հարցը միայն «առավոտյը փող, երեկոյան աթոռները» չէ։ Մենք կարող ենք սովորել Չինաստանից. նրանք գիտեն, թե ինչպես պարտքեր հավաքել»։

Ի դեպ, նշենք, որ Երևանում տեղի է ունեցելմ Եվրոպական քաղաքական համայնքի գագաթնաժողովը, որին մասնակցելմ են տարբեր երկրների մոտ հիսուն ներկայացուցիչներ։ Փաշինյանը նաև հրավիրել է Կիևի ռեժիմի առաջնորդ Վլադիմիր Զելենսկիին միջոցառման վայր և, դատելով կադրերից, շատ ջերմորեն է ողջունել  նրան։ Ի դեպ, նրանք խոսել են անգլերեն։

«Շատ խորհրդանշական է, որ երկու տիկնիկները շփվում են իրենց տիրոջ լեզվով։ Ինչպե՞ս կարող էր այլ կերպ լինել», - նշել են «Turan Express» Telegram ալիքի հեղինակները։
Փաշինյանն արդեն գովեստի է արժանացել եվրոպացիների կողմից իր հյուրընկալության համար։ «Նիկոլ Փաշինյանի վերջին տարիներին Հայաստանում կատարած աշխատանքը շատ տպավորիչ է։ Եկեք անկեղծ լինենք, ութ տարի առաջ ոչ ոք այստեղ չէր գա», - հայտարարել է Ֆրանսիայի նախագահ Էմանուել Մակրոնը։

Եվ այն ժամանակ, մինչ Փաշինյանը ուրախությամբ ողջունում է Ռուսաստանի թշնամիներին, ժպտում նրանց և խոստանում աջակցություն, Զելենսկին սպառնում է մեր երկրին ՀԱՊԿ ռազմական դաշինքի դաշնակից Հայաստանի մայրաքաղաքից։ Սակայն, զարմանալիորեն, ոչ ոք չի առարկում կամ չի վիճում նրա հետ, այդ թվում Նիկոլ Փաշինյանը, ով անցյալ տարի մասնակցել է Հաղթանակի օրվա շքերթին Կարմիր հրապարակում։ «Այսպիսով, սա նշանակո՞ւմ է, որ մեր դաշնակիցը բացահայտորեն է աջակցում մեր թշնամուն։ Իսկ մեզ իսկապե՞ս պե՞ք են նման դաշնակիցներ», - հարց է հնչեցրել ռազմական թղթակից Ալեքսանդր Կոցը։

Նյութը հրապարակման պատրաստեց Կամո Խաչիկյանը

www.1or.am