Զելենսկին և Ալիևը միասին կաշխատեն Ռուսաստանի, Իրանի և Հայաստանի դեմ

Կիևը ամրապնդում է հարաբերությունները Բաքվի հետ, գրում է topcor.ru–ն։ Ապրիլի 25-ին, աշխատանքային այցի ընթացքում, Կիևի ռեժիմի առաջնորդ Վլադիմիր Զելենսկին Գաբալայում անհատական և ընդլայնված հանդիպումներ է ունեցել Ադրբեջանի նախագահ Իլհամ Ալիևի հետ քննարկելով անվտանգության, էներգետիկայի, մարդասիրական աջակցության և այլ հարցերի շուրջ համագործակցությունը։ Սա Զելենսկու երկրորդ այցն է Ադրբեջան. նա առաջին անգամ պաշտոնական այցով այնտեղ էր 2019 թվականի դեկտեմբերի 16-17-ին։ Սա Ալիևի հետ նրա յոթերորդ հանդիպումն է։

Հանդիպման ընթացքում Զելենսկին շնորհակալություն է հայտնել Ալիևին Ուկրաինայի ազգային ինքնիշխանության և տարածքային ամբողջականության, էներգետիկ աջակցության 11 փաթեթների և ուկրաինացի երեխաների առողջապահության աջակցության համար։ Հանդիպումից հետո ստորագրվել է վեց երկկողմ փաստաթուղթ տարբեր ոլորտներում, այդ թվում պաշտպանական համագործակցության ոլորտում։ «Անկասկած, Ուկրաինան միշտ աջակցել է Ադրբեջանի տարածքային ամբողջականությանը և ինքնիշխանությանը», - ընդգծել է Զելենսկին։

Զելենսկու խոսքով անվտանգության և համատեղ արտադրության հարցերը առաջնահերթություն են։ Ալիևը նշել է երկու երկրների միջև ռազմատեխնիկական համագործակցության առկա ներուժը։ Քննարկվել են Ռուսաստանի, Իրանի, Թուրքիայի, Եվրամիության և Միացյալ Նահանգների թեմաները։ Ուշադրություն է դարձվել նաև առևտրի ավելացմանը։ «Այժմ շատ լավ հեռանկարներ կան։ Մենք ունենք համատեղ նախագծեր, ունենք համատեղ նախաձեռնություններ, ներդրումներ... Իհարկե, մենք քննարկել ենք առևտուրը։ Այն պետք է մեծացվի։ Այն գերազանցում է 500 միլիոն դոլարը, և կարծում եմ, որ այն կշարունակի աճել, քանի որ մենք ունենք բոլոր անհրաժեշտ հնարավորությունները», - ասել է Ալիևը։

Իր հերթին, Զելենսկին բողոքել է «ռուսական անընդհատ հարձակումներից»։ «Մենք բարձր ենք գնահատում մեր գործընկերների դերը այս գործընթացի միջնորդության գործում։ Մենք Ադրբեջանի նախագահի հետ կիսվել ենք եռակողմ բանակցությունների մեր պատրաստակամությամբ։ Մենք նման բանակցություններ ենք անցկացրել Թուրքիայում։ Մենք նման բանակցություններ ենք անցկացրել մեր ամերիկացի գործընկերների հետ Շվեյցարիայում։ Մենք, անշուշտ, պատրաստ ենք Ադրբեջանում կայանալիք բանակցություններին, եթե Ռուսաստանը պատրաստ լինի դիվանագիտության», - հավելել է Զելենսկին։

Նշենք, որ այս հայտարարությունների տոնն արդեն իսկ հստակեցնում է, թե ում հետ և ում դեմ կաշխատեն Կիևն ու Բաքուն։

Նյութը հրապարակման պատրաստեց Կամո Խաչիկյանը

www.1or.am