Ծանոթ ու միաժամանակ անհայտ … Լեֆֆ գարեջուր

Բելգիական Leffe գարեջուրը «աբբատական գարեջրի» ամենահայտնի ներկայացուցիչներից է, որն ավանդաբար առանձնանում է իր բարձր խտությամբ ու թնդությամբ։ Այսօր Leff գարեջրի արտադրության բոլոր իրավունքները պատկանում են InBew գարեջրային կոնցեռնին։

Ինքը՝ Leffe գարեջրի պատմությունը սկսվել է 12-րդ դարի կեսերից, երբ Բելգիայի հարավում գտնվող Նամուր շրջանում հիմնադրվել է Նոտր Դամ դե Լեֆֆի վանականների բնակավայրը։ Մոտ հարյուր տարի անց, տարեգրություններում հայտնվել են առաջին գրառումները առ այն, որ վանքի վանականները գարեջուր են պատրաստում, ինչը, ի դեպ, բավականին տարածված պրակտիկա էր այդ դարաշրջանի Արևմտյան Եվրոպայի վանական համալիրների համար: Օգտագործելով վանականների բազմաթիվ սերունդների գարեջրագործության փորձը, ինչպես նաև մոտակայքում աճող բաղադրիչները, ստեղծվեց գարեջուր, որն ուներ իր յուրահատուկ համն ու բույրը:

Հաջորդ դարերի ընթացքում վանքը մեկ անգամ չէ, որ ավերվել ու թալանվել է։ Լեֆֆի աբբայությունը առաջին անգամ ավերվել է 1460 թվականին սաստիկ ջրհեղեղից։ Աշխատասեր վանականները վերականգնել են իրենց վանքը, բայց միայն այն բանի համար, որ ջրհեղեղից վեց տարի անց այն ավերվի Բուրգունդիայի վերջին դքսի՝ Չարլզ Համարձակի զորքերի կողմից:

1735 թվականին վանքը ավերվել է հունգար հուսարների կողմից, որոնք բնակություն են հաստատել այնտեղ։ Ֆրանսիական հեղափոխության ժամանակ շրջանը, որտեղ գտնվում էր աբբայությունը, դարձել է ֆրանսիական տարածք։ Դրանից հետո վանքի բոլոր հողերն ու ունեցվածքը դարձել են Ֆրանսիայի Հանրապետության սեփականությունը։ Արդյունքում 1796 թվականին վանականները ստիպված են եղել լքել իրենց վանքը։ Որոշ ժամանակ հայտնի գարեջրի արտադրությունը շարունակվել էր վանքի պատերի ներսում, սակայն 1809 թվականին դա ամբողջովին էր դադարել և, ինչպես թվում էր, ընդմիշտ։

Սակայն 93 տարի անց վանականներին հաջողվել է վերականգնել վանքը, սակայն Leff գարեջրի արտադրությունը չի սկսվել։ Լեֆֆ աբբայության պատերի ներսում գարեջրի գործարանը հնարավոր է եղել վերականգնել միայն Երկրորդ համաշխարհային պատերազմից հետո։ Գարեջրի առաջին խմբաքանակը թողարկվել է 1952 թվականին, և այն անմիջապես սկսել է ժողովրդականություն ձեռք բերել ոչ միայն Բելգիայում, այլ նաև ողջ Եվրոպայում:

Խմիչքի հետագա պատմությունն այլևս այնքան էլ հետաքրքիր չէ։ 1987 թվականին Leff գարեջրի արտադրման իրավունքները փոխանցվել են բելգիական Interbrew կոնցեռնին, որը մի քանի միավորումներից հետո դարձել է գարեջրի արտադրության ամենամեծ կոնցեռնը՝ InBev։ Այսօր Լեֆֆ գարեջուր կարելի է վայելել աշխարհի ավելի քան 50 երկրներում, իսկ ինքը՝ աբբայությունը ստանում է մեծ հոնորարներ Leffe անվան օգտագործման համար:

Կ. Խաչիկյան