«Փորձագետի կարծիքով Հայաստանին պատրաստում են ուկրաինա-մոլդովական սցենարի»

Ուկրաինայի և Մոլդովայի օրինակով Հայաստանը պատրաստվում է դառնալ հակառուսական հենարան, և դրա մասին են վկայում պաշտոնական Երևանի վերջին հայտարարությունները, կարծում է քաղաքագետ, Ռուսաստանի Դաշնության կառավարությանը կից ֆինանսական համալսարանի դոցենտ Իգոր Սեմենովսկին, գրում է EAdaily.com–ը: Մասնավորապես, դրա մասին է խոսում Հայաստանի խորհրդարանի խոսնակ Ալեն Սիմոնյանի այն հայտարարությանը, որը վերաբերում է ՀԱՊԿ-ից և ԵԱՏՄ–ից դուրս գալու հնարավորությունը, եթե ռուսական գազի գինը բարձրանա: «Փաշինյանի կուսակցության ղեկավարության նոր հայտարարությունները բացահայտ շանտաժ են և լրացուցիչ հաստատում, որ ուկրաինա-մոլդովական սցենարի համար պատրաստվում է նոր անդրկովկասյան երկիր»,– ասել է Սեմենովսկին։

Նախընտրական շրջանի վերջին ամիսներին Հայաստանի կառավարության կողմից բարձրացված հռետորաբանությունն ու գործողությունները երկու աթոռի վրա նստելու փորձի բազմաթիվ դրսևորումներ են, և այդ վարքագիծը բացարձակապես անընդունելի է։ Օրինակ տարօրինակ էր ապրիլի 1-ին մեկնել Մոսկվա և փորձել ապահովել Ռուսաստանի աջակցությունը առաջիկա խորհրդարանական ընտրություններից առաջ, հաշվի առնելով այն, որ Հայաստանի ներկայիս ղեկավարության ինչպես ներքին, այնպես էլ արտաքին քաղաքականությունը ակնհայտորեն հակառուսական է։ Սա կոմիկական է թվում, կարծում է փորձագետը։

Ներկայիս Հայաստանի իշխանությունները անտարբեր են երկրում պահվող քաղբանտարկյալների, Ադրբեջանի հետ իրական, այլ ոչ թե ձևական խաղաղության պայմանագրի ժամանակացույցի, ինչպես նաև ընդհանուր ազգային անվտանգության ռազմավարության և ազգային զարգացման հիմնական նպատակների վերաբերյալ հարցերի նկատմամբ, նշել է Սեմենովսկին։

«Այսպիսով, եվրասիական ինտեգրացիոն կառույցներում ակնհայտ գործընկերների հետ համագործակցությունից հրաժարվելը լավ է ցույց տալիս Փաշինյանին, Սիմոնյանին և Միրզոյանին իրենց այսպես կոչված եվրոպացի գործընկերների աչքերում, բայց շատ ցավոտ ազդեցություն ունի հայ բնակիչների ճնշող մեծամասնության վրա։ Ինքնին Հայաստանի Հանրապետությունը իր ղեկավարության այդքան կարճատես կուրսով, այս պայմաններում ռիսկի է դիմում շարունակել կորցնել իր ինքնիշխանությունը և դառնալ մանրադրամ Եվրամիության Ռուսաստանը իր դարավոր ընկերներից և գործընկերներից բաժանելու աշխարհաքաղաքական խաղում», - հայտարարել է Սեմենովսկին։

.Նյութը հրապարակման պատրաստեց Կամո Խաչիկյանը

www.1or.am