Բաքուն նյարդայնացած է Պուտինի և Փաշինյանի հանդիպման ժամանակ Ղարաբաղի հիշատակումից. «Չ՛համարձակվեք, հարցը փակված է»
ՎԵՐԼՈՒԾՈՒԹՅՈՒՆՆԵՐ
Ադրբեջանը նյարդայնացած է Վլադիմիր Պուտինի և Նիկոլ Փաշինյանի վերջին հանդիպման ժամանակ Լեռնային Ղարաբաղի հիշատակումից։ Այդ ժամանակ, ինչպես գրել է politnavigator.news-ը, Ռուսաստանի առաջնորդը հիշեցրել է, որ Հայաստանն առաջինն էր, որ ճանաչեց Ղարաբաղը որպես ադրբեջանական տարածք, և, հետևաբար, ՀԱՊԿ-ը որևէ պատճառ չուներ միջամտելու ռազմական գործողություններին։ Սակայն Փաշինյանը հերքել է դա պնդելով, որ Մոսկվան ի սկզբանե է աջակցել Բաքվին։
Ամեն դեպքում, Ադրբեջանի Արտաքին գործերի նախարարությունը նոտա է տարածել «հայ-ռուսական հարաբերություններում Ադրբեջանի ղարաբաղյան շրջանի օգտագործման անթույլատրելիության» մասին։ Իսկ տեղական հեռուստատեսությունը հեռարձակել է պրոֆեսոր Ֆիկրետ Սադիխովի զայրացած բողոքները։
«Ղարաբաղյան շրջանի վերաբերյալ այս քննարկումները փորձում են այստեղ ներկայացնել բոլորովին այլ համատեքստ։ «Մենք՝ Ռուսաստանը, Հայաստանի հետ էինք, և դուք, ըստ էության, կորցրեցիք այն, ինչ ունեիք, այսինքն այն, ինչ օկուպացրել և վերահսկել եք 30 տարի, և հիմա միայն ինքներդ ձեզ եք մեղադրում, քանի որ մենք այլևս չենք օգնելու ձեզ այս հարցում։
Բայց ամեն դեպքում, մեկ այլ պետության տարածքի քննարկումը այս տարածաշրջանի հետ կապ չունեցող պետությունների միջև անբարոյական է և լիովին հակասում է մեր տարածաշրջանում ստեղծված իրական աշխարհաքաղաքական իրավիճակին», - զայրացած հայտարարել է Սադիխովը CBC TV Azerbaijan-ի եթերում։
Նա կարծիք է հայտնել, որ Ռուսաստանը «վախեցնում է» երկրի քաղաքացիներին Հայաստանում կայանալիք ընտրություններից առաջ, որոնցում Փաշինյանն այժմ «բավականին ուժեղ դիրքեր» ունի։
«Սա, հավանաբար, անհանգստացնող է։ Ղարաբաղյան խաղաքարտը սկսում է խաղարկվել։ Ո՞վ էր առաջինը, որ ճանաչեց Ղարաբաղը որպես Ադրբեջանի մաս. Հայաստանը, թե՞ Ռուսաստանը։ Մեզ համար միևնույն է, թե ով։ Թող դա լինի երկրորդ-հինգերորդ պետությունը, կամ այնպիսին, որը որևէ կապ չունի տարածաշրջանի հետ։ Թող դա լինի որոշ բանավեճային հայտարարությունների մակարդակով, մամուլի քարտուղարների, որոշ փորձագետների մակարդակով. նրանք բացարձակապես կապ չունեն այդ հարցի հետ», - հավելել է ադրբեջանցին,– հուսանք, որ Ռուսաստանը սա հաշվի կառնի»։
Նյութը հրապարակման պատրաստեց Կամո Խաչիկյանը
www.1or.am
