ՆԱՏՕ-ի դաշնակիցները չափազանց մտահոգված չեն Թրամփի՝ դուրս գալու uպառնալիքներով․ CNN
ՄԻՋԱԶԳԱՅԻՆ
ՆԱՏՕ անդամ երկրների դիվանագետները «չափազանց մտահոգված» չեն ԱՄՆ նախագահ Դոնալդ Թրամփի կողմից երկիրը Դաշինքից դուրս բերելու նոր սպառնալիքների ֆոնին, գրել է CNN-ը՝ հինգ աղբյուրների հղում անելով։
Եվրոպացի մի պաշտոնյա Թրամփի հայտարարություններն անվանել է «Արջամկան օր», քանի որ ռազմաքաղաքական դաշինքը նախկինում լսել է նրանից նմանատիպ հայտարարություններ։
Այնուամենայնիվ, աղբյուրները նշել են, որ Թրամփի սպառնալիքները չեն կարող լիովին անտեսվել։ ԱՄՆ նախագահը կարող է արագ որոշումներ կայացնել, ուստի որոշ դիվանագետների շրջանում դեռևս անհանգստության զգացում կա։
Եվրոպացի բարձրաստիճան դիվանագետի խոսքով՝ որոշ դաշնակիցներ Թրամփի վերջին սպառնալիքները համարում են եվրոպական երկրների վրա ճնշում գործադրելու փորձ՝ Հորմուզի նեղուցի վերաբացման համար ռեսուրսներ հատկացնելու համար։
ՆԱՏՕ-ից մի դիվանագետ նշել է, որ Թրամփի հռետորաբանությունը «իրականում արտացոլում է նրա հիասթափությունը որոշ դաշնակիցների կողմից Իրանի հետ պատերազմի ընթացքում Միացյալ Նահանգներին թռիչքի և բազայի իրավունք տրամադրելու անկարողության պատճառով»։
Ավելի վաղ Թրամփը ՆԱՏՕ-ի գլխավոր քարտուղար Մարկ Ռյուտեի հետ զրույցում ակնարկել էր, որ Միացյալ Նահանգները կարող է դադարեցնել Ուկրաինային հետագա աջակցությունը, եթե դաշնակիցները չամրապնդեն Հորմուզի նեղուցի վերաբացման իրենց հանձնառությունը, հայտնել է մի աղբյուր։ Երբ բանակցությունները ձախողվել են, Դաշինքի անդամ պետությունները շտապ հայտարարություն են տարածել՝ խոստանալով աջակցել այս ռազմավարական կարևոր նավագնացության երթուղով անվտանգ շարժը։
