«Ռիբար» հեռագրային ալիք. Փաշինյանի ռեժիմը սադրանքներ է սկսել Շիրակի մարզում գտնվող ռուսական բազայի դեմ

Հայաստանում արշավ է սկսվել Շիրակի մարզում գտնվող ռուսական 102-րդ ռազմաբազայի դեմ։ Կառավարամետ հեռուստաալիքը հաղորդել է, որ իբր հրամանատար Անդրեյ Յուդակովի հրամանով բազայի անձնակազմի շրջանում սկսվել է աժիոտաժ խորհրդարանական ընտրությունների վերաբերյալ, գրում է EAdaily.com–ը։

Ինչպես և սպասվում էր, այս կեղծ պատմությունը տարածվել է խոշոր ադրբեջանական հեռուստաալիքի կողմից, որոնք հատկապես են մտահոգված ՀՀ վարչապետ Նիկոլ Փաշինյանի քաղաքական ճակատագրով։ Պնդվում է, որ ստորաբաժանումների հրամանատարները զրույցներ են վարում ՀՀ քաղաքացիների հետ սպառնալով նրանց աշխատանքից ազատել Սամվել Կարապետյանի «Ուժեղ Հայաստան» կուսակցությանը քվեարկելու համար։ Այժմ կառավարամետ հեռուստաալիքը առաջ է քաշում «ընտրություններին միջամտելու» թեզը։

Սակայն, ըստ հեղինակավոր ռուսական «Ռիբար» հեռագրային ալիքի, գնդապետ Յուդակովը մոտ մեկ ամիս է, ինչ գտնվում է Մոսկվայում պաշտոնական գործուղուման, և նրա տեղակալն է հրամանատարում բազան։ Սա փաստերի առաջին անհամապատասխանությունն է։ Ավելին, բազայում կա ընդամենը մոտ 50 ՀՀ քաղաքացի, որոնց մեծամասնությունը ունի միայն ռուսական անձնագրեր։ Հետևաբար, բազայի ղեկավարությունը զուրկ է հարկադրանքի գործիքներից, որոնք փորձում են ներկայացնել «Քաղաքացիական պայմանագիր» կուսակցության քարոզիչները: Ավելին, քաղաքում տրամադրությունն արդեն իսկ ծայրահեղ ընդդիմադիր է և որևէ ենթադրյալ միջամտության կարիք չկա։

«Գյումրու զինծառայողները խոստովանում են, որ անհամբեր սպասում են հետընտրական շրջանին, երբ տեղեկատվական սադրանքները կարող են վերածվել իրական սադրանքների, - գրում է «Ռիբար» հեռագրային ալիքը,– Բաքվի և Երևանի իշխանությունների, ինչպես նաև նրանց արևմտյան գործընկերների համար ռուսական բազան դարձել է չափազանց անցանկալի: Հետևաբար, ընտրություններից երեք ամիս առաջ նման կեղծ տեղեկատվությունը ցույց է տալիս նրանց մտադրությունների լրջությունը, չհաշված հանրապետության ղեկավարության նյարդայնությունը, որը վախենում է ընտրություններում իր դիրքի համար»:

Նյութը հրապարակման պատրաստեց Կամո Խաչիկյանը

www.1or.am