Սպիտակաձավարով դիմակներ՝ ծերացող մաշկը երիտասարդացնելու, ձգելու և թարմացնելու համար

Սպիտակաձավարի շիլան դեռ մանկուց է ծանոթ բոլորին, սակայն քչերին է հայտնի, որ այն կարող է օգտագործվել նաև երիտասարադացնող տարբեր դիմակների բաղադրության մեջ: Սպիտակաձավարը հարուստ է օսլայով ու բուսական սպիտակուցներով, ինչի շնորհիվ այն հիանալի միջոց է զգայուն մաշկը խնամելու, մահացած բջիջները հեռացնելու և կնճիռները հարթեցնելու համար: Բացի այդ, այս շիլան պարունակում է մի շարք օգտակար վիտամիններ (B1, B2, B6, Е, Н, РР), ինչպես նաև այնպիսի հանքանյութեր, ինչպիսին են կալիումը, կալցիումը, մագնեզիումը, երկաթը, կաբալտը, ֆոսֆորն ու նատրիումը:

Ձեր ուշադրությանն ենք ներկայացնում սպիտակաձավարով 4 դիմակի բաղադրատոմս, որոնք կօգնեն շատ կարճ ժամանակահատվածում տնային պայմաններում երիտասարդացնել, սնուցել ու թարմացնել մաշկը:

Գարեջրով դիմակ՝ նուրբ մաշկ ունենալու համար

Բաղադրությունը.

·        2 ճաշի գդալ գարեջուր,

·        2 ճաշի գդալ սպիտակաձավար,

·        100 մլ կաթ,

·        1 թեյի գդալ բուսական յուղ:

Օգտագործման եղանակը.

Սպիտակաձավարը կաթի մեջ եփել, ավելացնել գարեջուրն ու կարագը, ծածկել կաթսան կափարիչով և թողնել 5 րոպե: Դիմակը հարկավոր է դեռ գոլ վիճակում քսել դեմքի մաշկին, թողնել 30 րոպե, այնուհետև լվանալ գոլ ջրով:

Սնուցող դիմակ

Բաղադրությունը.

·        2 ճաշի գդալ սպիտակաձավար,

·        1 ձվի դեղնուց,

·        1 թեյի գդալ մեղր,

·        1 թեյի գդալ ձիթապտղի յուղ:

Օգտագործման եղանակը.

Բոլոր բաղադրիչները լավ խառնել, քսել դեմքին և թողնել, մինչև այն ամբողջությամբ չորանա: Չորանալուց հետո դիմակը հարկավոր է լվանալ նախ գոլ, այնուհետև սառը ջրով:

Ձգող դիմակ

Բաղադրությունը.

·        25 գրամ սպիտակաձավար,

·        50 մլ բարձր յուղայնությամբ սերուցք:

Օգտագործման եղանակը.

Սերուցքն ու սպիտակաձավարը խառնել, մինչև ստացվի համասեռ զանգված: Ցանկության դեպքում սերուցքի փոխարեն կարելի է օգտագործել թթվասեր կամ կարագ, սակայն սերուցքն ավելի նախընտրելի է:

Դիմակը քսել դեմքի մաքուր մաշկին և թողնել 15 րոպե: Հարկավոր է զգուշորեն մերսել մաշկը, այնուհետև լվացվել նախ գոլ, այնուհետև սառը ջրով: Նման կոնտրաստային լվացումը կօգնի շատ արագ թարմացնել մաշկը:

Սպիտակաձավարով սկրաբ

Բաղադրությունը.

·        2 ճաշի գդալ սպիտակաձավար,

·        2 ճաշի գդալ ձիթապտղի յուղ:

Օգտագործման եղանակը.

Հարկավոր է մատներն ընկղմել նախ ձիթապտղի յուղի, այնուհետև սպիտակաձավարի մեջ և զգուշորեն մերսել դեմքի մաշկը: Այս պրոցեդուրան հարկավոր է կրկնել մի քանի անգամ, այնուհետև լվացվել՝ օգտագործվելով դեմքի մաքրման միջոց:

Սակայն հարկ է հիշել, որ այս դիմակները նախատեսված են 40 տարեկանից բարձր անձանց համար, որոնց մաշկի վրա արդեն նկատվում են ծերացման նշաններ: Սպիտակաձավարով դիմակները խորհուրդ է տրվում օգտագործել շաբաթական 3 անգամ (2 օրը մեկ): Պարբերաբար այս դիմակներն օգտագործելու դեպքում շատ շուտով կնճիռները կհարթվեն ու կդառնան շատ ավելի քիչ նկատելի, իսկ մաշկը կլինի թարմ ու խնամված:

Նյութի աղբյուրը՝ med.tert.am