Ոսկու գինը 6 տոկոսի անկում է գրանցել

Ոսկու գինն այսօր կտրուկ՝ 6 տոկոսի անկում է գրանցել և վաճառվում է մեկ ունցիան 4,214 դոլարով, ինչը անցած տարվա դեկտեմբերի 11-ից ի վեր ամենացածր ցուցանիշն է:

Միջազգային էներգետիկ գործակալությունն ավելի վաղ զգուշացրել է, որ աշխարհը բախվում է ավելի վատ էներգետիկ ճգնաժամի, քան 1970-ականներին նավթի շուկայի ցնցումներն ու Ուկրաինայի պատերազմի հետևանքները միասին վերցրած։

Հավելենք, որ այսօր Brent տեսակի նավթի գինը հասել է 114 դոլարի մեկ բարելի համար:

Հիշեցնենք, որ փետրվարի 28-ին ամերիկա-իսրայելական ուժերի կողմից Իրանում սկսված ռազմական գործողությունների արդյունքում Իրանը փակել է Հորմուզի նեղուցը։

Հորմուզի նեղուցով պատերազմից առաջ անցնում էր աշխարհում սպառվող նավթի և նավթամթերքի մոտ 20 տոկոսը։