Մերձավոր Արևելքում պшտերազմը կարող է Ուկրաինային թողնել առանց հակաoդային պաշտպանnւթյան hրթիռների հայթայթման աղբյուրների. Զելենսկի

Ուկրաինայի նախագահ Վլադիմիր Զելենսկին նախազգուշացրել է, որ Մերձավոր Արևելքում պատերազմը կարող է Ուկրաինային թողնել առանց հակաօդային պաշտպանության հրթիռների հայթայթման աղբյուրների, հայտնում է BBC-ն:

«Մենք կարող ենք հայտնվել մի իրավիճակում, երբ դժվարություններ կունենանք մեր երկինքը պաշտպանելու համար հրթիռներ և զենքեր ձեռք բերելու հարցում: Ամերիկացիներին և նրանց դաշնակիցներին Մերձավոր Արևելքում դրանք կարող են անհրաժեշտ լինել իրենց պաշտպանելու համար, օրինակ՝ Patriot հրթիռները»,- ասել է նա իտալական Corriere della Sera թերթին։ 

Նա նաև ասել է, որ կա ռիսկ, որ Ուկրաինայի դաշնակիցները կարող են շեղվել իրանական հակամարտությամբ և մոռանալ իր երկրի պաշտպանությունը ռուսական լիամասշտաբ ներխուժումից։

«Իհարկե, դա ռիսկ է։ Բայց ես հուսով եմ, որ իրանական ճգնաժամը կմնա սահմանափակ գործողություն և չի վերածվի երկարատև պատերազմի։ Մենք սեփական փորձից գիտենք, թե որքան արյունալի այն կարող է լինել»,- ասել է Զելենսկին՝ պատասխանելով հարցին, թե արդյոք կա ռիսկ, որ ԱՄՆ-ը և Եվրոպական միությունը կարող են մոռանալ Ուկրաինայի պաշտպանությունը՝ կենտրոնանալով Մերձավոր Արևելքի վրա

Այնուամենայնիվ, Զելենսկին նաև դրական կողմեր է փնտրել։ Իրանը Ռուսաստանին է վաճառել տասնյակ հազարավոր «Շահեդ» անօդաչուներ, որոնք գրեթե ամեն գիշեր մահացու ավերածություններ են գործում Ուկրաինայում։ 

«Կարծում եմ՝ իրանական ռազմական թիրախներին հարվածելը լավ որոշում էր: Իրանցիները շատ զենք են արտադրում Ռուսաստանի համար, հատկապես անօդաչուներ և հրթիռներ, թեև չեմ կարծում, որ նրանք այլևս կկարողանան դա անել»,- ասել է նա։