Ինչպես է ԱՄՆ-ը գնում Մոսկվայի դաշնակիցներին. «Փաստ»

«Փաստ» օրաթերթը գրում է.

from-ua.org–ը «Կովկասը հեռանում է Կրեմլից. ինչպես է ԱՄՆ-ը գնում Մոսկվայի նախկին դաշնակիցներին» վերնագրով հոդվածում գրում է, որ մինչ Մոսկվան զբաղված է Ուկրաինայի դեմ պատերազմով, Կրեմլի համար իսկական աշխարհաքաղաքական աղետ է տեղի ունենում հենց հարևան Կովկասում։

ԱՄՆ փոխնախագահ Ջ. Դ. Վենսի այցը Հայաստան և Ադրբեջան ոչ միայն ձևականություն էր, այլ նաև հզոր ճնշում Ռուսաստանին տարածաշրջանից դուրս մղելու համար։ Վաշինգտոնը այլևս չի խաղում մեղմ ուժով, նա խաղարկում է իր հաղթաթղթերը՝ միլիարդավոր դոլարների կոնկրետ պայմանագրեր և ռազմավարական նախագծեր, որոնք Ռուսաստանի ներկայությունը Կովկասում դարձնում են անիմաստ և նույնիսկ վնասակար տեղական էլիտաների համար։

Երևանում Վենսը հանդիպել էր Նիկոլ Փաշինյանի հետ, և զրույցը եղել է ոչ թե «հավերժ բարեկամության», այլ էներգետիկ ոլորտում մեծ գումարների մասին։ Կողմերը պատրաստել են բազմամիլիարդ դոլարանոց համաձայնագիր, որը նախատեսված է Հայաստանի ենթակառուցվածքները լիովին թարմացնելու համար։ Սա, ըստ էության, մահվան դատավճիռ է այդ երկրում «Ռոսատոմի» դիրքերի համար։

Բաքվում ևս իրավիճակը Կրեմլի համար ոչ պակաս ծանր է եղել։ Վենսի և Իլհամ Ալիևի հանդիպման արդյունքում ձեռք են բերվել համաձայնություններ անվտանգության և ահաբեկչության դեմ պայքարի ոլորտում գործընկերության ընդլայնման վերաբերյալ։ Սակայն Ռուսաստանի համար ամենացավոտ հարցը Հայաստանով անցնող նոր տրանսպորտային միջանցքի նախագիծն է։ Այդ երթուղին նախատեսված է մայրցամաքային Ադրբեջանը կապել Նախիջևանի հետ՝ ստեղծելով ուղիղ երթուղի Եվրոպայի և Կենտրոնական Ասիայի միջև։ Նախագծի հիմնական առավելությունն այն է, որ այն շրջանցում է և՛ Ռուսաստանը, և՛ Իրանը՝ զրկելով նրանց տարանցիկ հոսքերի վերաբերյալ պայմաններ թելադրելու հնարավորությունից։

Ռուսաստանի համար նման ամերիկյան մանևրները չափազանց ցավոտ հետևանքներ ունեն, քանի որ Հարավային Կովկասում նրա ազդեցության լճացումը կարող է դառնալ անշրջելի։ Կրեմլը պայքարում է, որպեսզի պահպանի այդ տարածքները, բայց կորցնում է դաշնակիցներին և այն ռազմավարական երթուղիները, որոնք մի ժամանակ աշխարհի վրա ճնշման հիմնական լծակն էին։

Մանրամասները՝ «Փաստ» օրաթերթի այսօրվա համարում