«Կովկասը հեռանում է Կրեմլից. Ինչպես է ԱՄՆ-ը գնում Մոսկվայի նախկին դաշնակիցներին»

Մինչ Մոսկվան զբաղված է Ուկրաինայի դեմ ագրեսիայով, Կրեմլի համար իսկական աշխարհաքաղաքական աղետ է տեղի ունենում հենց հարևան Կովկասում։

ԱՄՆ փոխնախագահ Ջ.Դ. Վենսի այցը Հայաստան և Ադրբեջան, որը մանրամասն լուսաբանել է The National Interest-ը, ոչ միայն ձևականություն էր, այլ նաև հզոր ճնշում Ռուսաստանին տարածաշրջանից դուրս մղելու համար, գրում է from-ua.org–ը։ Վաշինգտոնը այլևս չի խաղում մեղմ ուժով, նա խաղարկում է իր հաղթաթղթերը՝ միլիարդավոր դոլարների կոնկրետ պայմանագրեր և ռազմավարական նախագծեր, որոնք Ռուսաստանի ներկայությունը Կովկասում դարձնում են անիմաստ և նույնիսկ վնասակար տեղական էլիտաների համար։

Երևանում Վենսը հանդիպել էր Նիկոլ Փաշինյանի հետ, և զրույցը եղել է ոչ թե «հավերժ բարեկամության», այլ էներգետիկ ոլորտում մեծ գումարների մասին։ Կողմերը պատրաստել են բազմամիլիարդ դոլարանոց համաձայնագիր, որը նախատեսված է Հայաստանի ենթակառուցվածքները լիովին թարմացնելու համար։ Սա, ըստ էության, մահվան դատավճիռ է այդ երկրում «Ռոսատոմի» դիրքերի համար։ ԱՄՆ-ն առաջարկում է, որ Հայաստանը փոխարինի հին խորհրդային տեխնոլոգիաները ժամանակակից արևմտյան լուծումներով, որոնք վերջապես կխզեն այն էներգետիկ կապանքը, որով Մոսկվան տասնամյակներ շարունակ կապել էր Երևանին։

Բաքվում ևս իրավիճակը Կրեմլի համար ոչ պակաս ծանր է եղել։ Վենսի և Իլհամ Ալիևի հանդիպման արդյունքում ձեռք են բերվել համաձայնություններ անվտանգության և ահաբեկչության դեմ պայքարի ոլորտում գործընկերության ընդլայնման վերաբերյալ։ Սակայն Ռուսաստանի համար ամենացավոտ հարցը Հայաստանով անցնող նոր տրանսպորտային միջանցքի նախագիծն է։ Այդ երթուղին նախատեսված է մայրցամաքային Ադրբեջանը կապել Նախիջևանի հետ ստեղծելով ուղիղ երթուղի Եվրոպայի և Կենտրոնական Ասիայի միջև։ Նախագծի հիմնական առավելությունն այն է, որ այն շրջանցում է և՛ Ռուսաստանը, և՛ Իրանը զրկելով նրանց տարանցիկ հոսքերի վերաբերյալ պայմաններ թելադրելու հնարավորությունից։

Ամերիկացիները հույսը դնում են մաքուր պրագմատիզմի և տնտեսագիտության վրա, և դա աշխատում է։ Երկար ժամանակ Մոսկվայի «հետնաբակ» համարվող տարածաշրջանում այժմ ընտրում են Վաշինգտոնի տեխնոլոգիաներն ու ներդրումները։

Ռուսաստանի համար նման ամերիկյան մանևրները չափազանց ցավոտ հետևանքներ ունեն, քանի որ Հարավային Կովկասում նրա ազդեցության լճացումը դառնում է անշրջելի։ Կրեմլը պայքարում է, որպեսի պահպանի այդ տարածքները, բայց կորցնում է դաշնակիցներին և այն ռազմավարական երթուղիները, որոնք մի ժամանակ աշխարհի վրա ճնշման հիմնական լծակն էին։

Նյութը հրապարակման պատրաստեց Կամո Խաչիկյանը

www.1or.am