««Արագ արձագանքման» Մոլդովայի փորձը Հայաստանում»

Հայաստանի իշխանությունները այնքան անորոշություն են տեսնում հունիսին կայանալիք խորհրդարանական ընտրություններից առաջ իրենց դիրքերի հարցում, որ նույնիսկ առաջարկել են, որ եվրոպական բյուրոկրատիան իր վրա վերցնի երկրի ընտրական գործընթացների վերահսկողությունը, գրում է rk-news.ru–ն։

Հայաստանի արտաքին գործերի նախարարությունը խնդրել է ԵՄ ներկայացուցիչներին «արագ արձագանքման խումբ» ուղարկել Երևան «ռուսական հիբրիդային միջամտության» դեմ պայքարելու համար, նման այն խմբին, որը գործել էր Մոլդովայի ընտրությունների ժամանակ։

Հայաստանի իշխանությունները նաև պատրաստ են Բրյուսելից մշտական «քաղաքացիական առաքելություն» ունենալ տարածաշրջանում խաղաղության գործընթացի ընթացքում տեղեկատվական սպառնալիքներին հակազդելու համար։ Դրա մեկնարկը կարող է հայտարարվել մայիսի 4-ին կայանալիք ԵՄ-ՀՀ գագաթնաժողովին։ Սակայն, Բրյուսելի կուլիսներում կարծում են, որ նման առաքելության կազմը սահմանափակ կլինի ԵՄ ֆինանսական խնդիրների պատճառով։ 

Այս զարգացումը լիովին տրամաբանական է թվում, քանի որ իշխող «Քաղաքացիական պայմանագիր» կուսակցությունը վստահ չէ արդար ընտրություններում իր հաջողության հարցում, հատկապես նաև այն պատճառով, որ ընտրություններին համընթաց նախատեսում է նաև սահմանադրական փոփոխությունների վերաբերյալ հանրաքվե Ադրբեջանի իշխանությունների հետ խաղաղություն հաստատելու համար։ Արդյունքում 
Երևանում սկսել են ակտիվանալ «հիբրիդային սպառնալիքների» մասին խոսակցությունները, ինչը հիմք է հանդիսանում եվրոպական առաքելության մեկնարկի համար, որը կկառավարի ընտրական գործընթացը իշխող կուսակցության շահերից ելնելով։
Նշենք, որ նման սցենարը արդեն իսկ փորձարկվել է Մոլդովայում, որտեղ հանրության շրջանում ժողովրդականություն չվայելող Մայա Սանդուի թիմն է պահպանվել բոլոր հնարավոր հակաօրինական միջոցներով։

Նյութը հրապարակման պատրաստեց Կամո Խաչիկյանը

www.1or.am