«Անշարժ գույքի գործակալների գոտի». Հայաստանում օտարերկրացիների համար վարձակալվող բնակարանների պահանջարկն աճել է 14%-ով

Երևանում՝ ռուսների համար սիրված վայրում օտարերկրացիների համար երկարաժամկետ վարձակալվող բնակարանների պահանջարկն աճել է 14%-ով, այն դեպքում, որ վարձակալության գները մինչև 2025 թվականը նվազել էին 40%-ով, tass.ru-ին հայտնել են «Անշարժ գույքի գործակալների գոտի» նախագծի մասնագետները։

«2025 թվականի վերջին Երևանում վարձակալության պահանջարկը մոտ 14%-ով ավելի բարձր է եղել, քան 2024 թվականին։ Շուկան դուրս է եկել կարճաժամկետ տատանումներից և հաստատվել է կայուն աճի միտում, հատկապես տարվա երկրորդ կեսին, երբ վարձակալները դարձել են ավելի վստահ և ակտիվ։ Վարձակալության գների դինամիկան բացասական է եղել. 2024 թվականի համեմատ անկումը կազմել է 20-40%՝ մինչև 710-730 դոլար կամ մոտավորապես 55,000 ռուբլի՝ ներկայիս փոխարժեքով, Երևանում մեկ սենյականոց բնակարանի համար», - ասել է tass.ru-ի աղբյուրը։

Մասնագետի խոսքով 2025 թվականին Երևանում վարձակալվող բնակարանների նկատմամբ պահանջարկը 2024 թվականի համեմատությամբ տատանվել է. առաջին եռամսյակում այն ​​նվազել է 14%-ով՝ արտացոլելով տարեսկզբի դադարը, երբ որոշ վարձակալներ հետաձգել են իրենց որոշումները և ընդունել են սպասողական դիրքորոշում։ Սակայն, երկրորդ եռամսյակում շուկան շրջադարձ է կատարել և ապրիլ-հունիս ամիսներին պահանջարկն աճել է մոտ 19%-ով, որը եղել է ակտիվության վերականգնման առաջին հետևողական նշանը։ 2025 թվականի ամառը նշանավորվել է գագաթնակետային շրջանով՝ նախորդ տարվա համեմատ գրանցելով մոտ 25% աճ։ «Սրանք ամբողջ ժամանակահատվածի համար ամենաբարձր արժեքներն են և ուղղակիորեն են արտացոլում միգրացիայի և բիզնեսի միտումների ամրապնդումը», - նշել է փորձագետը։ Պահանջարկը շարունակել է աճել նաև աշնանը, և չորրորդ եռամսյակն ավարտվել է տարեկան մոտ 28% աճով։