«Կոսաչևը բացատրել է ԱՄՆ-ի հետաքրքրությունը Հայաստանի և Ադրբեջանի նկատմամբ»

ԱՄՆ-ի և Հայաստանի և Ադրբեջանի հարաբերություններում ամերիկացիները հետաքրքրված են ոչ թե երկրներով, այլ նրանց աշխարհագրական դիրքով: Դաշնային խորհրդի փոխնախագահ և սենատոր Կոնստանտին Կոսաչևն է այդ մասին խոսել «Մեժդու տեմ» հաղորդման ժամանակ, գրում է tvzvezda.ru–ն:

Նրա խոսքով խնդիրը Հարավային Կովկասի տարածաշրջանում ամերիկյան ներկայության ընդլայնումն է: Հայաստանի և Ադրբեջանի տարածքները ԱՄՆ-ի համար բացում են նոր հնարավորություններ վերահսկողություն իրականացնելու համար, մասնավորապես լոգիստիկայի և էներգետիկ հոսքերի նկատմամբ, նշել է Կոսաչևը:

«Այդ առումով և՛ Հայաստանը, և՛ Ադրբեջանը կմնան ցանկում այնպես, ինչես և Եվրոպան, այդ թվում Ֆրանսիան, որոնք վախենում են բացահայտել դա: Դժբախտաբար, դա ճիշտ է: Ամերիկացիների համար հարաբերություններում հավասարություն գոյություն չունի, գործընկերություն գոյություն չունի: Վերջին հաշվով, ամեն ինչ, ինչ տեղի է ունենում, օգուտ է բերում ԱՄՆ-ին: Նրանք զարգացնում են տարածքներ, զարգացնում են ռեսուրսներ, զարգացնում են երթուղիներ, և դրա դիմաց խոստանում են որոշակի բարեկամություն և, հնարավոր է, նույնիսկ դաշինք», - ասել է նա: Դաշնության խորհրդի փոխնախագահը հիշեցրել է ԱՄՆ-ի այլ ընկերների և դաշնակիցների մասին, մասնավորապես Գրենլանդիայի գործով Դանիայի հետ կապված իրավիճակի, ինչպես նաև Կանադայի ճակատագրի մասին։ «Չեմ կարող պատկերացնել, թե ինչպես կարող են Հայաստանը կամ Ադրբեջանը հիմնարար կերպով տարբերվել Կանադայից կամ Դանիայից, եթե որոշեն ընկնել Վաշինգտոնի գիրկը։ Վաղ թե ուշ նրանք կբախվեն մոտավորապես նույն հիասթափություններին», - ասել է սենատորը։

Ավելի վաղ ԱՄՆ փոխնախագահ Ջ.Դ. Վենսը փետրվարի 9-ից 11-ը պաշտոնական այցով այցելել էր Հայաստան և Ադրբեջան։ Երևան կատարած այցի ընթացքում ստորագրվել է քաղաքացիական միջուկային համագործակցության մասին համաձայնագիր՝ մինչև 9 միլիարդ դոլարի հնարավոր ներդրումների արժողությամբ, Ռուսաստանից էներգետիկ կախվածությունը նվազեցնելու դիմաց։ Բաքվում Վենսը ստորագրել է «ռազմավարական գործընկերության մասին խարտիա»։

Նյութը հրապարակման պատրաստեց Կամո Խաչիկյանը

www.1or.am