Եվրախորհրդարանը ընդունել է Հին Ջուղայի հայկական հուշարձանների ավերումը դատապարտող բանաձև․ պատմության այս օրը (18 փետրվար)
ՊԱՏՄՈՒԹՅԱՆ ԱՅՍ ՕՐԸ
ՈՐՈՇ ՏՈՆԵՐ-Գամբիա՝ Անկախության օր (Միացյալ Թագավորությունից), Ճապոնիա՝ Դիալեկտի օր, Նեպալ՝ Ազգային ժողովրդավարության օր, Ռուսաստան՝ Տրանսպորտային ոստիկանության օր։
ՀԱՅԱՍՏԱՆՈՒՄ
1877 - ծնվել է դասական գրող Դերենիկ Դեմիրճյանը։
1906 - ծնվել է ԽՍՀՄ մարշալ Համազասպ Բաբաջանյանը։
1918 - ծնվել է բանասեր, բնագրագետ Արմենուհի Սրապյանը։
1921- խորհրդային իշխանության դեմ ապստամբածները մտել են Երևան։ Նրանց օգնել է այն հանգամանքը, որ Հայաստանում տեղակայված բոլշևիկյան զորքերի ստորաբաժանումները զբաղված են եղել Վրաստանի խորհրդայնացումով։
– Երևանի բանտում սպանվել է հայ ֆիդայի, ազգային-ազատագրական շարժման գործիչ Համազասպ Սրվանձտյանը։
1930 - ծնվել է նկարիչ, գոբելենագործ Ալեքսանդր Ազատյանը։
1932 - ծնվել է ֆիզիկոս Վիլեն Ասլանյանը։
1937 - ծնվել է կենսաֆիզիկոս Արմեն Զաքարյանը։
1944 - ծնվել է պատմաբան Էդուարդ Դանիելյանը։
1963 - ծնվել է ֆրանսահայ ֆուտբոլիստ և մարզիչ Միշել Տեր-Զաքարյանը։
1969 - ծնվել է նկարիչ Լիլիթ Սողոմոնյանը։
1992- Հայաստանը դիվանագիտական հարաբերություններ է հաստատել Ավստրիայի հետ։
1993- Հայաստանը դիվանագիտական հարաբերություններ է հաստատել Ալբանիայի հետ։
2005-ազդարարվել է մասնավոր բանկերում ֆիզիկական անձանց ներդրած ավանդների հատուցումը երաշխավորող հիմնադրամի գործունեության սկիզբը:
2006-Եվրախորհրդարանը ընդունել է Հին Ջուղայի հայկական հուշարձանների ավերումը դատապարտող բանաձև։
2009 - վախճանվել է ճարտարապետ Արմեն Հախնազարյանը։
2010- Կառավարության շենքի մոտ բողոքի ցույց են անց կացրել ոսկու շուկայի աշխատողները, որոնք պահանջել են վերջ դնել իրենց նկատմամբ գործադրվող հարկային ճնշումներին, իրենց ձևակերպմամբ՝ հարկային ահաբեկչությանը:
2013– Հայաստանում տեղի են ունեցել նախագահական ընտրություններ։
2023-Մյունխենի անվտանգության համաժողովի շրջանակում տեղի է ունեցել ՀՀ վարչապետ Նիկոլ Փաշինյանի, ԱՄՆ պետքարտուղար Էնթոնի Բլինքենի եւ Ադրբեջանի նախագահ Իլհամ Ալիեւի եռակողմ հանդիպումը:
ԱՇԽԱՐՀՈՒՄ
814- վախճանվել է մոնղոլ խան Խուբիլայը։
1201 —ծնվել է պարսիկ մաթեմատիկոս և աստղագետ Նասիր ադ-Դին Թուսին։
1268 —Վեզենբերգ ամրոցի մոտ տեղի է ունեցել ճակատամարտ հյուսիսռուսական պետությունների, կոմսությունների և Տևտոնական օրդենի, Դանիական Էստլյանդիայի ասպետների միջև, որի ժամանակ ասպետները ջախջախիչ պարտություն են կրել։
1405 - վախճանվել է թուրք-մոնղական նվաճող Լենկթեմուրը։
1546 - վախճանվել է գերմանացի հոգևորական Մարտին Լյութերը։
1564– վախճանվել է Վերածննդի ժամանակաշրջանի իտալացի մեծագույն նկարիչ և քանդակագործ Միքելանջելոն։
1718 – ծնվել է դանիացի բնագետ, գրող և նկարազարդող Սյորեն Աբիլդգորը։
1745 - ծնվել է իտալացի ֆիզիկոս Ալեսանդրո Վոլտան։
1814 —տեղի է ունեցել ճակատամարտը Մոնտրոյի մոտ, որտեղ Նապոլեոնը ջախջախել է Վյուտենբուրգի կրոնթագաժառանգի բանակը։
1883 - ծնվել է հույն գրող Նիկոս Կազանձակիսը։
1913 - Մեքսիկայում Պեդրո Լասկուրաինը 45 րոպեով դարձել է երկրի նախագահ։
1913 —Ֆրեդերիկ Սոդդին առաջարկել է օգտագործել «իզոտոպ» տերմինը։
1930– ամերիկացի աստղագետ Կլայդ Տոմբոն Լոուելլի աստղադիտարանում հայտնաբերել է Պլուտոն մոլորակը, որը հետագայում դասվել է գաճաճ մոլորակների շարքին։
1933 – ծնվել է ճապոնացի նկարչուհի, գրող, կինոռեժիսոր և խաղաղության ակտիվիստ, հանրահայտ «Բիթլզ» խմբի մենակատար Ջոն Լենոնի այրի Յոկո Օնոն։
1954– ծնվել է ամերիկացի ճանաչված դերասան, նաև երգիչ և պարող Ջոն Տրավոլտան։
1956 - ծնվել է վրաց միլիարդատեր Բիձինա Իվանիշվիլին։
1960- տեղի է ունեցել 8-րդ Ձմեռային Օլիմպիական խաղերի բացման հանդիսավոր արարողությունը (Սքվո-Վելլի, ԱՄՆ)։
1967– վախճանվել է հրեական ծագմամբ ամերիկացի նշանավոր ֆիզիկոս Ռոբերտ Օպենհեյմերը։
1968-տեղի է ունեցել 10-րդ Ձմեռային Օլիմպիական խաղերի փակման հանդիսավոր արարողությունը (Գրենոբլ, Ֆրանսիա)։
1979 - Սահարա անապատում պատմության մեջ առաջին անգամ ձյուն է տեղացել։
2003 – Հարավային Կորեայի Դեգու քաղաքի մետրոպոլիտենում տեղի է ունեցել հրդեհ, որի հետևանքով զոհվել է 198 մարդ։
2004– Իրանի Նիշապուր քաղաքում տեղի է ունեցել երկաթուղային վթար, որի հետևանքով զոհվել է մոտ 300 մարդ։
2014 —ուկրաինական հեղափոխության ժամանակ կտրուկ սրվել է իրավիճակը Կիևի մայդանում, որի արդյունքում երեք օրվա ընթացքում զոհվել է մոտ 80 մարդ։
Կ. Խաչիկյան
