Gulf-ը նախատեսում է ընդլայնել իր գործունեությունը Հայաստանում կառուցելով ևս 20 բենզալցակայան

Gulf-ը այս տարի Հայաստանում նախատեսում է զգալի ընդլայնում: Ինչպես BMGTV-ին տված հարցազրույցի ժամանակ նշել է Gulf-ի գործադիր տնօրեն Քրեյգ Սթիվեն Քրամերը, նրանք ներկայումս ունեն 10 օբյեկտ Հայաստանում և նախատեսում են այդ թիվը մինչև տարեվերջ հասցնել 30-ի, գրում է bizzone.info–ն։

«Հայստանում ընդլայնման ռազմավարությունը լի է եղել մարտահրավերներով, և մենք ուրախ ենք, որ այս ջանքերն այժմ արդյունք են տալիս: Ներկայումս մենք ունենք 10 օբյեկտ Հայաստանում: Մենք նախատեսում ենք այդ թիվը հասցնել 30-ի մինչև տարեվերջ, ինչը նշանակում է, որ այս տարի կկառուցենք Gulf-ի 20 լիարժեք խանութ և բենզալցակայան: Շատ շուտով Gulf Club Georgia-ի հաճախորդները կկարողանան օգտագործել իրենց կետերը Հայաստանում և հակառակը այնպես կարծես սահմաններ գոյություն չունեն: Սա առաջին անգամն է, որ նման տարածաշրջանային ապրանքանիշ է մուտք գործում Կովկաս», - հարցազրույցում նշել է Քրամերը:

Gulf-ի գործադիր տնօրենը նաև ասել է, որ Հայաստանը միակ երկիրը չէ, որը ներառված է ընկերության ընդլայնման ծրագրերում: Նա նաև նշել է, որ Gulf-ը շատ մոտ է Կենտրոնական Ասիայի երկրներից մեկի շուկա մուտք գործելուն, սակայն նա առայժմ չի նշել, թե որ երկիրը։

«Gulf-ը արդեն դառնում է տարածաշրջանային ապրանքանիշ, և դա մեր վրացական թիմի շնորհիվ է։ Մենք շատ հպարտ ենք մեր ձեռքբերումներով։ Կենտրոնական Ասիան շատ խոստումնալից է թվում։ Մյուս երկրներն ու ընկերությունները նայում են մեր հաջողությանը Վրաստանում և ասում. «Մենք էլ ենք դա ուզում»», - ասել է Քրեյգ Սթիվեն Քրամերը։

Նա պատկերացնում է, որ ընկերությունը կդառնա գերիշխող ապրանքանիշ ամբողջ Կովկասում հաջորդ հինգ տարիների ընթացքում։ «Ես վստահ եմ, որ մենք կարող ենք կրկնօրինակել և բարելավել այն, ինչ արել ենք Վրաստանում, այլ երկրներում։ Հետևաբար, ես կարծում եմ, որ մենք մեծ ապագա ունենք», - հավելել է նա։

Gulf-ը մուտք է գործել հայկական շուկա անցյալ տարվա հոկտեմբերին։ Վրաստանում ընկերությունն այժմ շահագործում է ավելի քան 150 բենզալցակայան։ Դրանց մեծ մասը՝ 122–ը, ունեն նաև Gulf խանութ։ Ցանցն առաջարկում է համաշխարհային ապրանքանիշեր, բոլոր անհրաժեշտ իրերը, որոնք հաճախորդը կարող է կարիք ունենալ ճանապարհորդության ժամանակ, ինչպես նաև Gulf-ի այն բացառիկ արտադրանքը, ինչպիսիք են Gulf հոթ-դոգերը, Gulf էներգետիկ ըմպելիքները, սուրճը, սենդվիչները, պաղպաղակը և շատ ավելին։

Gulf-ը ներկայումս աշխատանքով ապահովել է մինչև 3000 վրաստանի քաղաքացու, ընդ որում 2020 թվականին այդ թիվը կազմել էր 1200։