Թուրքիան 2025թ․ 6 տոկոսով ավելացրել է նավթի ներմուծումը, ՌԴ-ից մատակարարումները նվազել են 10 տոկոսով

2025թ․ Թուրքիան ներմուծել է 31,94 միլիոն տոննա նավթ (համարժեք է օրական 640 հազար բարելի), ինչը 6.4 տոկոսով ավելի է նախորդ տարվա համեմատ, տեղեկացվել է տեղական էներգետիկ շուկայի կարգավորման խորհրդի (EPDK) փաստաթղթերում։

Թուրքիա նավթի հինգ խոշորագույն մատակարարները տարվա ընթացքում մնացել են անփոփոխ։ Ռուսաստանը մնում է երկրի առաջատար արտահանողը՝ արտահանելով 15,23 միլիոն տոննա։ Սա մոտ 10 տոկոսով ավելի պակաս է, քան 2024թ․։

Միեւնույն ժամանակ, մյուս խոշոր արտահանողները մեծացրել են իրենց ծավալները։ Իրաքից գնումները աճել են 6.7 տոկոսով՝ հասնելով 5.05 միլիոն տոննայի, Ղազախստանից՝ 27.9 տոկոսով՝ հասնելով 3.77 միլիոն տոննայի։ Սաուդյան Արաբիան Թուրքիա նավթի արտահանումը մեծացրել է 40 տոկոսով՝ հասնելով 2.24 միլիոն տոննայի, Նիգերիան գրեթե 1.8 անգամ ավելացրել է արտահանումը՝ հասնելով 1.64 միլիոն տոննայի։

Թուրքիա դիզելային վառելիքի ներմուծումը 2025թ․ վերջին մնացել է նախորդ տարվա նույն մակարդակին՝ կազմելով 13,66 միլիոն տոննա: Ռուսաստանը շարունակում է մնալ առաջատար մատակարարը՝ նախորդ տարի հանրապետություն դիզելային վառելիքի մատակարարումները մեծացնելով 2.3 տոկոսով՝ 11.59 միլիոն տոննա։

Եգիպտոսը Թուրքիա դիզելային վառելիքի երկրորդ խոշորագույն մատակարարն է՝ արտահանելով 748 հազար տոննա (57.3 տոկոս աճ), իսկ Հնդկաստանը՝ 562 հազար տոննա (3.2 տոկոս նվազում):