Քաղաքացիները Վենսին կոչ են արել պաշտպանել քրիստոնյաներին բռնապետությունից
ՔԱՂԱՔԱԿԱՆՈՒԹՅՈՒՆ24news.am-ը գրում է.
ԱՄՆ փոխնախագահ Ջեյ Դի Վենսի այցելության ժամանակ մի խումբ քաղաքացիներ լազերային ճառագայթների միջոցով «Ալեքսանդր» հյուրանոցի պատին գրառում են արել՝ կոչ անելով նրան «պաշտպանել առաջին քրիստոնյա ժողովրդին բռնատիրության հարձակումներից»:
Հիշեցնենք, որ Վենսի այցելությունն ուղեկցվում էր անվտանգության ամենամասշտաբային միջոցառումներով, քաղաքացիներից ոչ մեկ նրան մոտենալու և հարց տալու հնարավորություն չունեցավ: Ավելին, Բաղրամյան 26-ում կայացած կարճ ասուլիսին հայկական կողմից հրավիրվել էին սահմանափակ թվով լրատվամիջոցներ, իսկ հարցեր տալու հնարավորություն տրվեց 2 պետական զլմ-ի: Ավելին, եթե մինչև հինա նման բարձրաստիճան այցելությունների ժամանակ հյուրն ըստ արարողակարգի այցելում էր Մայր Աթոռ Սուրբ Էջմիածին, ապա այս անգամ այդ մասն էլ էր կրճատվել, ամենայն հավանականությամբ ոչ առանց իշխանությունների ցանկության:
Ավելին, Նիկոլ Փաշինյանի կառավարությունն ամեն կերպ փորձում է ցույց տալ, թե իր պատերազմը Հայ Առաքելական եկեղեցու դեմ չէ: Չնայած դրան՝ այս հարձակումը վաղուց ունի միջազգային լուսաբանում, թեկուզ հենց Նիկոլ Փաշինյանի հայտարարությունների շնորհիվ, երբ նա առաջարկել էր Վեհափառին գալ կառավարություն ու «համոզվել, որ նա թլպատված չէ»:
Ի դեպ, այս ընթացքում ի պաշտպանություն Հայ Եկեղեցու ակցիաներ են անցկացվել նաև տարբեր երկրներում, այդ թվում և ԱՄՆ-ում, ՌԴ-ում, Գերմանիայում և այլուր:
