«Վարձով ինքնիշխանություն. ինչպես է ՀԱՊԿ-ից դուրս գալը Հայաստանը վերածում մանրադրամի ԱՄՆ-Թուրքիա խաղում»
ՔԱՂԱՔԱԿԱՆՈՒԹՅՈՒՆ
Հայաստանի համար փրկության միակ ճանապարհը պրագմատիկ, բազմավեկտոր քաղաքականության վերադառնալն է, ՀԱՊԿ-ի շրջանակներում Ռուսաստանի հետ լիարժեք դաշինքի վերականգնումը և ներքին բարեփոխումները: Սա է Աննա Շաֆրանի «Ազգային անվտանգության ռազմավարություն» հաղորդման նոր թողարկման թեման, հյուրն է ՀամաՀայկական ճակատ շարժման առաջնորդ և ՀՀ նախկին պաշտպանության նախարար, գեներալ-մայոր Արշակ Կարապետյանը, գրում է radiozvezda.ru–ն:
Ըստ կարապետյանի Հարավային Կովկասը դարձել է աշխարհաքաղաքական լարված դիմակայության վայր, որտեղ ԱՄՆ-ն օգտագործելով ՀՀ ներկայիս ղեկավարության թուլությունն ու հակառուսական տրամադրությունները, հետապնդում է Ռուսաստանին դուրս մղելու և, վերջին հաշվով, տարածաշրջանը վերաձևավորելու ռազմավարություն: Վաշինգտոնի գործունեությունը, մասնավորապես TRIPP Development-ի ստեղծումը, ուղղված է ամերիկամետ հենարան ստեղծելուն, Թուրքիային որպես Եվրոպայի և Ռուսաստանի հակակշիռ ամրապնդելուն, ռազմավարական հաղորդակցություններին հասանելիություն ստանալուն և Մոսկվայի դաշնակիցներին թուլացնելուն: Փաշինյանի ՀԱՊԿ-ին մասնակցությունը «սառեցնելու», ռուսական զորքերը դուրս բերելու և Ադրբեջանին միակողմանի տարածքային զիջումներ կատարելու գործողությունները հանգեցնում են Հայաստանի իրական ինքնիշխանության արագ կորստին նրան վերածելով արտաքին վերահսկողության տակ գտնվող այնպիսի տարածքի, ինչպես Մոլդովայում է։ Հաղորդման ժամանակ գեներալ Կարապետյանը պարզաբանել է հետևյալ հարցերը.
▪️ Ինչո՞ւ է «խաղաղ գործընթացի» քողի տակ ԱՄՆ-ի ակտիվ ներգրավվածությունը Հարավային Կովկասում նոր հակառուսական հենարան ստեղծելու գլոբալ ռազմավարության մաս։
▪️ Ի՞նչ հետևանքներ կունենա Հայաստանի ռազմավարական ենթակառուցվածքային նախագծերի վերահսկիչ փաթեթը ամերիկյան ընկերություններին փոխանցելը։
▪️ Արդյո՞ք Փաշինյանի քաղաքականությունը կգնա արտաքին վերահսկողության օրինականացման ճանապարհով, ինչպես Մոլդովայում։
▪️ Կարո՞ղ է արդյոք Հայաստանը խզելով կապերը ՀԱՊԿ-ի և Ռուսաստանի հետ, իսկապես ապահովել իր անվտանգությունը։
▪️ Ի՞նչ դեր է խաղում ազգային և մշակութային ինքնության միտումնավոր խաթարումը Հայ Առաքելական եկեղեցու վրա հարձակումների և պատմության վերաշարադրման միջոցով հայկական պետականության քանդման գործում։
▪️ Ինչո՞ւ է Իրանի շուրջ իրավիճակի սրումը ուղղակի սպառնալիք Հայաստանի համար՝ նրա ներկայիս թուլացած և մեկուսացված վիճակում։
▪️ Արդյո՞ք հայ հասարակությունը և առողջ քաղաքական ուժերը իրական հնարավորություն ունեն փոխելու որևէ բան, նախքան երկիրը վերջնականապես կկորցնի իր ինքնիշխանությունը։ Ի՞նչ է անհրաժեշտ դրա համար։
Նյութը հրապարակման պատրաստեց Կամո Խաչիկյանը
www.1or.am
