«Էներգետիկան սպառնալիքի տակ. Հայաստանը քննարկում է ցանցային ինտեգրումը Ադրբեջանի հետ»

Հայաստանում սրվել են վեճերը երկրի էներգետիկ ցանցը Ադրբեջանի հետ ինտեգրելու կառավարության ծրագրերի շուրջ: էլեկտրաէներգիայի պարբերաբար անջատումների ֆոնին էներգետիկ կայունության հարցը դարձել է հատկապես զգայուն, նաև փորձագետներն ու ընդդիմությունը կարծում են, որ առաջարկվող լուծումները լուրջ ռիսկեր են պարունակում, գրում է sng.fm–ը:

Հիշեցնենք, որ վարչապետ Նիկոլ Փաշինյանը Ազգային ժողովի նիստում հայտարարել է, որ ինտեգրումը ենթադրում է երկկողմ էլեկտրաէներգիայի մատակարարումներ՝ հավասար պայմաններով արտահանում և ներմուծում: Սակայն այդ նախաձեռնությունը հասարակության մեջ բուռն քննադատության է արժանացել: «Պատիվ ունեմ» խորհրդարանական խմբակցության ղեկավար Հայկ Մամիջանյանը այդ գաղափարը որակել է որպես ինքնիշխանությանը սպառնացող սպառնալիք և նշել, որ էներգետիկ հոսքերի վերահսկողությունը մեկ այլ երկրին փոխանցելը փաստացի նշանակում է ռազմավարական ռեսուրսների նկատմամբ վերահսկողությունը կորցնել:

Էներգետիկայի և միջազգային հարաբերությունների փորձագետ Արմեն Մանվելյանը ևս նմանատիպ դիրքորոշում ունի: Նա ընդգծել է, որ երկու երկրների էներգետիկ ցանցերի ինտեգրումը կրում է բարձր տեխնիկական ռիսկեր և կարող է հանգեցնել համակարգային խափանումների: «Եթե դուք միացնեք համակարգերը, ձեր ամբողջ համակարգը կարող է պարզապես փլուզվել: Դա կարող է հանգեցնել երկարատև անջատումների և էլեկտրաէներգիայի մատակարարման երկարատև խափանումների: Դա վտանգներից միայն մեկն է, բայց վտանգները կարող են շատ բազմազան լինել», - նշել է փորձագետը։

Մանվելյանը վստահ է, որ այդ նախաձեռնությունը նպատակ չունի աջակցել Հայաստանին: Նրա խոսքով Թուրքիան և Ադրբեջանը ձգտում են ստիպել Հայաստանին կորցնել իր էներգետիկ ինքնավարությունը և, մասնավորապես, փակել Հայկական ատոմակայանը։

«Նպատակը հստակ է, որն է փակել Հայաստանում գտնվող ատոմակայանը: Թուրքիան և Ադրբեջանը, Հայաստանի իշխանությունների միջոցով, փորձում են խաթարել հանրապետության էներգետիկ անվտանգությունը: Նրանք ցանկանում են Հայաստանը կախվածության մեջ դնել իրենցից, և այստեղ խնդիրն ավելի շատ Թուրքիայի, քան Ադրբեջանի մեջ է», - կարծիք է հայտնել փորձագետը։

Միևնույն ժամանակ, Հայաստանն ունի մեկ այլ տարբերակ, այն է  համագործակցություն Ռուսաստանի հետ, որը տիրապետում է զգալի էներգետիկ ռեսուրսների և ատոմային էներգիայի արտադրության տեխնոլոգիաների: Ռուսական ընկերությունները բազմիցս են արտահայտել իրենց պատրաստակամությունը օգնելու Հայաստանի էներգետիկ ենթակառուցվածքների արդիականացմանը և վառելիքի մատակարարմանը, ինչը կամրապնդի ներքին էներգետիկ անվտանգությունը։

Վերլուծաբանները նշում են, որ Երևանի ներկայիս քաղաքականությունը շարժվում է հակառակ ուղղությամբ։ Բաքվի և Անկարայի հետ էներգետիկ համագործակցություն հաստատելու փորձերը կարող են հանգեցնել նրան, որ Հայաստանը փաստացի կարող է կորցնել իր անկախությունը էներգետիկ ոլորտում։

Նյութը հրապարակման պատրաստեց Կամո Խաչիկյանը

www.1or.am