Գնացքի տակ ընկած կինը որոնվում էր որպես անհետ կորած. նա հոգեկան խնդիրներ ուներ
ՊԱՏՄՈՒԹՅԱՆ ԱՅՍ ՕՐԸ
Պարզվել է, որ հուլիսի 2-ին գնացքի տակ ընկած եւ մահացած կինը որոնվում էր որպես անհետ կորած:
Այս առնչությամբ ոստիկանության տարածած հաղորդագրության մեջ նշվում է. «Ոստիկանության Արաբկիրի բաժնի կողմից հունիսի 30-ից որպես անհայտ կորած որոնվում էր 42-ամյա Անուշ Գասպարյանը /բնակվում էր Շրջանցիկ թունել 52 հասցեում գտնվող «Ձորակ» հոգեկան առողջության խնդիրներ ունեցող անձանց խնամքի կենտրոն» ՊՈԱԿ-ում, տառապում էր «Շիզոֆրենիա, պարանոիդ ձև» հիվանդությամբ/:
Նաև հայտնվել էր, որ հուլիսի 2-ին, ժամը 23.40-ի սահմաններում, Եղվարդ-Նոր Հաճն վազուրդի 38-րդ կմ հատվածի 6-րդ կետում բեռնատար գնացքը վրաերթի էր ենթարկել երկաթգծի վրա նստած, անձը չպարզված մոտ 40-45 տարեկան կնոջ, որը մարմնական վնասվածքներով տեղափոխվել էր հիվանդանոց, այնուհետև հուլիսի 3-ին հիվանդանոցում մահացել:
Ոստիկանության ծառայողների ձեռնարկած միջոցառումների շնորհիվ պարզվել է, որ անձը չպարզված մոտ 40-45 տարեկան կինը որպես անհայտ կորած որոնվող Անուշ Գասպարյանն էր:
Քննությունը շարունակվում է»:
