Փաշինյանը նոր դավադրություն է պատրաստում Հայաստանի դեմ

Հայաստանի և Ադրբեջանի էներգետիկ համակարգերը միանալու են իրար։ Նիկոլ Փաշինյանն այս մասին հայտարարել էր նախօրեին՝ ԱԺ–կառավարություն հարցուպատասխանին։ «Միանշանակ և աներկբա՝ Հայաստանի և Ադրբեջանի էներգետիկ համակարգերը միանալու են իրար և փոխադարձաբար նույն պայմաններով օգտվելու են և արտահանման, և ներմուծման հնարավորություններից»,– նշել էր Փաշինյանը։

«Թրամփի ուղով» էլեկտրահաղորդման գծերի և գազատարի կառուցման հարցը վարչապետ Փաշինյանն Ադրբեջանի նախագահ Իլհամ Ալիևի հետ քննարկել էր դեռ անցած տարվա հոկտեմբերին՝ Կոպենհագենում։ Դեռևս, սակայն, հստակ չէ, թե երբ են կողմերը առարկայական քայլեր իրականացնելու այս ուղղությամբ։

Թե՛ ընդդիմությունը, թե՛ փորձագետները ահազանգ են հնչեցնում՝ էներգետիկ համակարգերի ինտեգրումը լուրջ վտանգներ է պարունակում։ Լավագույն դեպքում Ադրբեջանը ՀՀ տարածքով կանցկացնի 400 կիլովոլտանոց գիծը՝ Թուրքիային հոսանք մատակարարելու համար։ Վատագույն պարագայում ՀՀ էներգետիկ համակարգն ուղղակի կուլ կտան։ Հաշվի առնելով ռեսուրսների անհավասարությունը, առկա հնարավորությունները՝ Հայաստանը պարզապես չի դիմանալու ճնշմանը։ Բայց խնդիրն իրականում այլ է։

Էներգետիկ համակարգերի ինտեգրումն առաջին հերթին վտանգ է ատոմակայանի կառուցման հեռանկարին։ Այստեղ է թաղված նաև «շան գլուխը», թե ինչու ՀԷՑ-ի դեմ ճնշումներ սկսվեցին և այն խլեցին Սամվել Կարապետյանից։ Իսկական դավադրություն, որի հետևանքները դեռ երկար են զգացնել տալու։

Տաթևիկ Ամիրաղյան