Գլխարկով ու շարֆով այլախոհ Փաշինյանը կոչ է արել «ազատագրել» Հայկական եկեղեցին Գարեգին Բ-ից

Հունվարի 6-ի կեսօրին ՀՀ վարչապետ Նիկոլ Փաշինյանը գլխավորել է երթը Երևանի կենտրոնով, որը նա անվանել է «կրոնական երթ»։ Երթը Սուրբ Գրիգոր Լուսավորիչ տաճարից շարժվել է դեպի Սուրբ Աննա եկեղեցի, որտեղ վարչապետը բակում կոչ է արել «աջակցել Հայ Առաքելական եկեղեցու բարեփոխումներին»։ Եվրոմայդանի լավագույն ավանդույթներին համապատասխան Հայաստանի «թավշյա հեղափոխության» առաջնորդը կոչ է արել իր կողմնակիցներին հավաքվել տաճարի բակում ժամը 13:30-ին և «տաք հագնվել», սակայն  չի հիշատակել անձրևանոցներ, թեյ կամ սուրճ վերցնելու հանգամանքը, գրում է mk.ru–ն։

Ըստ հայկական լրատվամիջոցների երթին մասնակցել են կառավարության պաշտոնյաներ, նախարարներ, խորհրդարանի անդամներ և տարածաշրջանների տեղական ինքնակառավարման մարմինների ներկայացուցիչներ։ Սուրբ Աննա եկեղեցու բակում Փաշինյանը, մոխրագույն գլխարկով և մոխրագույն կապույտ շերտավոր շարֆով, Ամենայն հայոց կաթողիկոս Գարեգին Բ-ին անվանել է անօրինական, նրա շրջապատին «աղանդավոր» և կոչ արել քաղաքացիներին «ազատագրել Սուրբ Եկեղեցին և վերադարձնել այն ժողովրդին»։ Ըստ պետության ղեկավարի դրան հասնելու համար մտահոգ քաղաքացիները պետք է մասնակցեն պատարագներին և «համոզեն» հոգևորականներին աջակցել կառավարության կողմից Եկեղեցին «բարեփոխելու» ծրագրին, ինչպես նաև զերծ մնան պատարագների ժամանակ Ամենայն հայոց կաթողիկոս Գարեգին Բ-ի անունը հիշատակելուց, որին նա անվանել է «Մայր Աթոռի (Էջմիածին) փաստացի շեֆ»։ Ըստ նրա պատրիարքը և նրա շրջապատը «գործում են աղանդավորության տրամաբանության շրջանակներում»։ «Դա նշանակում է, որ մենք պետք է ազատենք Հայ Առաքելական Եկեղեցին աղանդավորից», - ասել է Փաշինյանը,– մենք պետք է վերադարձնենք Եկեղեցին ժողովրդին»։

Պետք է ասել, որ 2018 թվականի գարնանը Փաշինյանն ավելի խարիզմատիկ տեսք ուներ։ Այն ժամանակ նա չէր սափրվում, կրում էր քողարկիչ համազգեստ, կրում էր ուսապարկ և ուներ վիրակապված ձեռքեր՝ ընդօրինակելով Հայաստանի ազգային հերոս Մոնթե Մելքոնյանին: Իսկ հիմա մաքուր սափրված Փաշինյանը՝ շարֆով, գլխարկով և վերարկուով, ավելի շատ նման է Փարիզի արվարձաններից եկած կրթված մուրացկանի, կամ էլ ինչ որ աղքատ ներգաղթյալի:

Նյութը հրապարակման պատրաստեց Կամո Խաչիկյանը

www.1or.am