Հանքարդյունաբերությունը նվազեցնում է աղքատությունը Հայաստանում

Հայաստանում ամենաբարձր զբոսաշրջային հոսքեր ունեցող շրջաններն ունեն ամենաբարձր աղքատության մակարդակը, մինչդեռ երկրի հանքարդյունաբերական շրջաններում աղքատության մակարդակը զգալիորեն ցածր է։ Դա հաստատվում է ուսումնասիրությամբ, գրում է vestikavkaza.ru–ն։

Շիրակի (43.1%), Գեղարքունիքի (35.4%) և Վայոց Ձորի (30.9%) զբոսաշրջային շրջաններում աղքատության մակարդակը զգալիորեն գերազանցում է երկրի  (23.7%) և մայրաքաղաքի միջին ցուցանիշները (17.9%)։ Դա պայմանավորված է նրանով, որ զբոսաշրջությունից ստացված եկամտի մեծ մասը մնում է Երևանում, մինչդեռ տեղական աշխատատեղերը հիմնականում սեզոնային են։

Միևնույն ժամանակ, երկրում աղքատության ամենացածր մակարդակը գրանցվել է Սյունիքում (7%)։ Դա ուղղակիորեն կապված է տարածաշրջանի զարգացած հանքարդյունաբերության հետ, որտեղ միջին աշխատավարձը երկրում ամենաբարձրն է և գերազանցում է ամսական 2000 դոլարը։ Սակայն, այս արդյունաբերական կենտրոնացումը խոչընդոտում է այլ ոլորտների, օրինակ գյուղատնտեսության զարգացմանը, քանի որ տարածաշրջանի քաղաքներում աշխատող բնակչության մինչև 45%-ը զբաղված է հանքարդյունաբերության ոլորտում։

Հանքարդյունաբերությունը մնում է երկրի բյուջեի ֆինանսական շարժիչ ուժը։ 2024 թվականին դրա ընդհանուր շրջանառությունը կազմել է 1.35 միլիարդ դոլար, իսկ հարկային եկամուտները աճել են 50%-ով հասնելով 348 միլիոն դոլարի։ Հատկանշական է այն, որ այդ հարկերի 77%-ը ձևավորվում է միայն Զանգեզուրի պղնձամոլիբդենային կոմբինատի կողմից։

Մետաղական խտանյութերի արտահանումը տարեկան մշտապես գերազանցում է 800 միլիոն դոլարը։ Արտահանման ավելի քան 50%-ը գնում է Չինաստան։ Աճում է նաև Ռուսաստան արտահանումը։

Նյութը հրապարակման պատրաստեց Կամո Խաչիկյանը

www.1or.am