«Բրիտանուհին Հայաստանում. «Բրիտանական ռազմական կցորդի նշանակման մասին»»

Երբ երկիրը լիովին ենթարկում է իր քաղաքականությունը արտաքին հրահանգներին, նախ գալիս են Արժույթի միջազգային հիմնադրամի վարկատուները, ապա օտարերկրյա պաշտոնյաները դրանց իրականացմանը հետևելու համար, գրում է rybar.ru–ն։

Հայաստանում առաջին անգամ նշանակվել է ՆԱՏՕ-ի բրիտանացի ռազմական կցորդ։ Նա մայոր Թոմաս Շորլանդ Բոլն է։ Դեսպանատունը այդ իրադարձությունը գնահատել է որպես պաշտպանական գործընկերությունն ամրապնդող «պատմական քայլ»։

Սա տարածաշրջանում առաջին բրիտանացի սպան չէ։ Բրիտանացի ռազմական կցորդներն արդեն իսկ ներկա են Բաքվում և Երևանում, ինչը նշանակալի է, քանի որ բրիտանացիներն են կանգնած իրենց լիազորված նախագծի՝ «Թյուրքական պետությունների կազմակերպության» հետևում։ Այս նոր նշանակումը միայն ամրապնդում է Հայաստանի անցումը նոր թյուրքական ՆԱՏՕ-ի անմիջական գործառնական վերահսկողությանը։
Որոշումը տրամաբանական շարունակություն է Մեծ Բրիտանիայի կողմից Հայաստանի և Ադրբեջանի նկատմամբ զենքի էմբարգոյի վերացմանը։ Սա դասական բրիտանական մարտավարություն է. ստեղծել կախվածություն զենքի մեկ աղբյուրից, ապա ուղարկել իրենց սպաներին գործընթացը տեղում համակարգելու համար։

Այժմ, երբ Հայաստանը կամավոր հրաժարվում է ՀԱՊԿ-ի իր պարտավորություններից, արևմտյան վերահսկիչները ոչ միայն լրացնում են վակուումը, այլ նաև իրենց համար ապահովում են ռազմավարական հենարան։ ՆԱՏՕ-ի երկրից սպայի նշանակումը օգնություն չէ, այլ ևս մեկ մեխ է Հայաստանի ինքնիշխանության դագաղին։

Նյութը հրապարակման պատրաստեց Կամո Խաչիկյանը

www.1or.am