Altterra Wines գինեգործարանը հաղթող է ճանաչվել Forbes-ի Top100Wines վարկանիշային ծրագրի «Մեծ Կովկաս» հեղինակավոր անվանակարգում
ՄՇԱԿՈՒՅԹ
Altterra Wines գինեգործարանը հաղթող է ճանաչվել Top100Wines վարկանիշային ծրագրի «Մեծ Կովկաս» հեղինակավոր անվանակարգում, որը տարեկան կազմակերպվում է Forbes-ի ռուսական հրատարակության կողմից։ Ընկերության երկու գինիները արժանացել են բարձրագույն ճանաչման՝ ևս մեկ անգամ հաստատելով Հայաստանի կարգավիճակը՝ որպես գինեգործության համաշխարհային կենտրոններից մեկը։
-
«Հայաստանի լավագույն գինին» անվանակարգում հաղթող է ճանաչվել Նոա Արենի Ռեզերվ Limited Edition 2021 (91.5 միավոր) — զբաղեցրել է 3-րդ տեղը «Մեծ Կովկաս» ընդհանուր վարկանիշում։
-
«Լավագույն աղանդերային գինին» անվանակարգում հաղթել է Նոա Բնական քաղցր 2020 (91 միավոր) — զբաղեցրել է 8-րդ տեղը Top50 ընդհանուր վարկանիշում։
Նոա Արենի Ռեզերվ Limited Edition 2021-ի հաղթանակը հայկական գլխավոր անվանակարգում տարվա ընթացքում գրանցված նշանակալի միջազգային հաջողությունների տրամաբանական արդյունքն է։ 2025 թվականին այս գինին արդեն իսկ արժանացել է ոսկե մեդալների այնպիսի հեղինակավոր մրցույթներում, ինչպիսիք են Concours Mondial de Bruxelles-ը և IWSC (International Wine and Spirit Competition)-ը։
«Altterra»-ի գինիների համար խաղողը հավաքվում է բացառապես ընկերության սեփական խաղողի այգիներից՝ Վայոց Ձորի պատմական մարզում, որը հայտնի է իր յուրահատուկ տերուարով և գինեգործության հնագույն ավանդույթով։ Գինեգործարանը հավատարիմ է խաղողագործության օրգանական մեթոդներին, ինչը թույլ է տալիս լիարժեքորեն բացահայտել տեղածին խաղողի տեսակների ներուժը։
Altterra Wines գինեգործարանը շվեյցարական Schuler Kelerei ընկերության մի մասն է, որի պատմությունը գինեգործության ոլորտում կազմում է ավելի քան 300 տարի։ Այս դաշինքը երաշխավորում է առաջադեմ տեխնոլոգիաների ներդրումը և որակի խիստ եվրոպական ստանդարտների կիրառումը Հայաստանում։ Արտադրական ողջ ցիկլը՝ խաղողի մշակումից մինչև գինու շշալցում, իրականացվում է իտալացի մասնագետների վերահսկողության ներքո, ինչը ապահովում է յուրաքանչյուր շշի բացառիկ կայունություն և հիանալի համ։
Առանձնահատուկ ուշադրության է արժանի Նոա Բնական քաղցր 2020 գինու հաջողությունը, որը ճանաչվել է վարկանիշի լավագույն աղանդերային գինին՝ ցուցադրելով Հայաստանի ներուժը պրեմիում դասի գինիների արտադրության մեջ։
Altterra Wines-ը գինեգործարան է, որը գտնվում է Հայաստանի պատմական Վայոց Ձորի մարզում։ Ընկերությունը մասնագիտացած է տեղական տեսակների խաղողից գինիների արտադրության մեջ՝ օգտագործելով բացառապես սեփական, օրգանական եղանակով մշակվող խաղողի այգիների բերքը։ Altterra Wines-ը շվեյցարական Schuler Kelerei ընկերության խմբի մի մասն է, ինչը ապահովում է որակի բարձրագույն ստանդարտներ և միջազգային փորձ։
