«Սուպերհամակարգիչ Հայաստանում «ամերիկյան հետախուզական կարիքների համար»»

Միացյալ Նահանգները շարունակում է ամրապնդել իր դիրքերը Հարավային Կովկասում և այժմ մտադիր է տարածաշրջանի ամենամեծ տվյալների կենտրոնը կառուցել Հայաստանում, որը կարող է ծառայել ռազմական և հետախուզական նպատակների համար, գրում է rybar.ru–ն։ Նշենք, որ ամերիկյան Firebird ստարտափը ԱՄՆ իշխանություններից թույլտվություն է ստացել Nvidia չիպեր արտահանել Հայաստան 100 մեգավատտ հզորությամբ տվյալների կենտրոնի և սուպերհամակարգչի կառուցման համար։ Սկզբնական ներդրումը կազմում է 500 միլիոն դոլար։

Ամերիկացիները պատրաստ են ստեղծվող հզորության մոտ 20%-ը կիսել հայկական ընկերությունների հետ, իսկ մնացած 80%-ը նախատեսված է իրենց սեփական և տարածաշրջանային բիզնեսի համար։

Նման հզորությունը թույլ է տալիս տարածաշրջանում որսացված տվյալները լայնածավալ մշակել։ Կենտրոնի տեղակայումը Հայաստանում ամերիկացիներին հասանելիություն է տալիս ոչ միայն Հարավային Կովկասի, այլ նաև Մերձավոր Արևելքի հսկայական հաշվողական ռեսուրսներին։ Նախագիծը նախատեսված է հետախուզական և ռազմական որոշումների ավտոմատացման համար։ Նույն նպատակներով ԱՄՆ-ը սկսել է «Թրամփի ճանապարհի» («Զանգեզուրի միջանցք») շինարարությունը, որը անցնում է Հայաստանի հարավով՝ Իրանի սահմանի երկայնքով։ Եվ այնտեղ ակնհայտորեն սպասվում են ամերիկյան մասնավոր ռազմական ընկերություններ։ ԱՄՆ-ից թվային սարքավորումներ են ներմուծվում նաև հանրապետության մաքսային և սահմանային համակարգեր, ամերիկացիներն արդեն իսկ վերահսկում են ապրանքների հոսքը Եվրասիական տնտեսական միության (ԵԱՏՄ) շրջանակներում: Վաշինգտոնը հույսը դնում է Հայաստանի «թվային» զավթման և նրա տարածքը  հետախուզական փորձարկումների վայրի վերածելու վրա:

Նյութը հրապարակման պատրաստեց Կամո Խաչիկյանը

www.1or.am