Ինչպես առավոտյան արթնանալ գեղեցիկ. 5 խորհուրդ
ՖՈՏՈ
Ճիշտ սննդակարգը և ռեժիմը ապահովում են լավ տրամադրվածություն։
Առավոտյան արթնանալուց հետո ոչ միշտ է ցանկություն առաջանում տեսնել հայելում արտացոլանքը, քանի որ այն հաճախ տարբերվում է մեր սպասելիքներից։
Ավելի մեծ ահակասություն է առաջացնում, երբ ֆիլմերի հերոսուհիները արթնանում են փայլուն մաշկով, առանց աչքերի տակի կապույտների և այտերի առողջ կարմրությամբ։
Ահա ինչ պետք է անել, որպեսզի դուք էլ առավոտյան գեղեցիկ լինեք.
1. Խիստ հետևել քնի ռեժիմին
Եթե նույնիսկ ձեր բնույթով «բու» եք, աշխատեք քնել 11-ից ոչ ուշ։ Գիշերային ժամերին մաշկի բջիջները իրականացնում են ակտիվ վերականգնում, որպեսզի կոմպենսացնեն այն վնասը, որ ստանում են օրվա ընթացքում։ Պահելով ռեժիմը, դուք կօգնեք մաշկի վերականգնմանը։
2. Քնելուց առաջ քչացրեք ջրի օգտագործումը
Գեղեցիկ արթնանալու համար քնելուց առաջ կրճատեք ջրի օգտագործումը և բացառեք աղի սնունդի օգտագործումը գիշերային ժամերին։ Լավագույն դեպքում սնունդի վերջին օգտագործումը պետք է լինի քնելուց 4 ժամ առաջ։
3. Գեղեցկության ծես
Քնելուց կես ժամ առաջ ցանկալի է, որ երեսին քսեք սնուցող կրեմ։ Այդ պարագայում օգտակար հատկությունները կհասնեն հենց ձեր մաշկին, այլ ոչ թե բարձին։
4. Մի մոռացեք մազերի մասին
Խառնված մազերից խուսափելու համար բարձի երեսը պետք է լինի ատլասից։ Ի տարբերություն բամբակյա կտորների, ատլասը չի խճճում մազերը։ Բացի այդ, մասնագետները խորհուրդ են տալիս քնելուց առաջ սանրել մազերը, այդպիսով լավանում է արյան շրջանառությունը և մազերը ավելի առողջ կլինեն։
5. Արոմաթերապիա
Կարող եք մի կաթիլ արոմա յուղ քսել ձեռքին կամ վառել լավանդայի մոմ, այն ունի հանգստացնող և քնաբեր ազդեցություն։
