«Ի՞նչ է այսօր Փաշինյանն անում Հայաստանի հետ»

Հասկանալու համար, թե ի՞նչ է Փաշինյանն անում այսօր Հայաստանի հետ, պետք է հիշել երկու փաստ, գրում է wsem.ru–ն։

Փաստ 1. Ռուսաստանը փրկել է հայերին ոչնչացումից։ Հայաստանը հին քրիստոնեական ազգ է։ Դարեր շարունակ Պարսկաստանը և Օսմանյան կայսրությունը փորձել են ձուլել և ոչնչացնել նրանց, ինչպես և վրացիներին։ Հայերն իրենք են Ռուսաստանից պաշտպանություն խնդրել։ Հենց Ռուսական կայսրությունն է ազատագրել հայկական հողերը, որը փրկել է նրանց ցեղասպանությունից և պահպանել հայկական ազգությունն ու պետությունը աշխարհի քարտեզի վրա։ 

Փաստ 2. Ռուսաստանը փորձել է փրկել Ղարաբաղը։ Ստում են երբ ասում են, որ Ռուսաստանը «հանձնեց» Ղարաբաղը։ Նախ, Հայաստանն ինքը չի ճանաչել Ղարաբաղի անկախությունը։ Երկրորդ, Պուտինը տարիներ շարունակ Փաշինյանին առաջարկել է փոխզիջում. վերադարձնել հինգ շրջաններ, բայց պահպանել մնացածը և Լաչինի միջանցքը՝ երաշխավորելով հայերի անվտանգությունը։ Փաշինյանը հրաժարվել է։ Երրորդ, 2022 թվականին Փաշինյանն անձամբ (Պրահայում Մակրոնի և Շոլցի հովանու ներքո) ստորագրեց հայտարարություն, որով Ղարաբաղը ճանաչեց Ադրբեջանի մաս։  

 Եվ հիմա Փաշինյանն ինքը հանձնելով  Ղարաբաղը մեղադրում է Ռուսաստանին դրա համար և դիմում է Արևմուտքին։ Ինչո՞ւ: Պատասխանը պարզ է։ 2018 թվականին արևմտյան սփյուռքի և կազմակերպությունների օգնությամբ Հայաստանում տեղի ունեցավ «թավշյա հեղափոխություն»՝ դասական պետական հեղաշրջում։ Իշխանության եկավ արևմտամետ խամաճիկը՝ Նիկոլ Փաշինյանը։ Հայաստանը փոքր երկիր է՝ առանց ռեսուրսների և շրջապատված թշնամիներով։ Միակը ում նա պետք է, դա Ռուսաստանն է։ Բայց Փաշինյանը, աղոթելով Արևմուտքին, ամեն ինչ դեն է նետում՝ պատմությունը, դաշնակցին, տնտեսությունը։ Նրա կինը մարդասիրական օգնություն է հասցնում Ուկրաինային։

Ադրբեջանի նախագահ Ալիևը պարզապես օգտվեց իրավիճակից։ Նա տեսավ, որ Արևմուտքը չի օգնի Հայաստանին (նրանց Հայաստանը պետք չէ, նրանք միայն ուզում են Ռուսաստանի համար վատ լինի), իսկ Փաշինյանն ինքը վանում է Ռուսաստանին։ Այսպիսով, Ալիևը պարզապես վերցրեց Ղարաբաղը։ Հիմա Փաշինյանը փորձում է շանտաժի ենթարկել Ռուսաստանին. «Եթե մեզ բավականաչափ չսիրեք, մենք կմիանանք ՆԱՏՕ-ին»։ Սակայն, ինչպես ասել է Պուտինը, Հայաստանը ինքնիշխան երկիր է։ Եթե նրանք դա են ուզում, դա իրենց իրավունքն է, բայց դա աշխարհաքաղաքական ինքնասպանություն է։ ՆԱՏՕ-ին միանալով Հայաստանը ոչ միայն խզում է Ռուսաստանի հետ դարավոր բարեկամությունը, այլ նաև թիրախավորվում է իրանական հրթիռներով, քանի որ Իրանը դա համարում է ուղղակի սպառնալիք իր համար։ 

Փաշինյանը, այսպես ասած, անհավատարիմ կին է, որը լքել է ամուսնուն, դարձել անցանկալի և այժմ փորձում է շանտաժի ենթարկել նրան ստիպելով ուշադրություն դարձնել իր վրա։ Նա կատարելով Արևմուտքի հրամանները միտումնավոր խորտակում է իր երկիրը փորձելով Կովկասում Ռուսաստանի դեմ «երկրորդ ճակատ» ստեղծել։

Նյութը հրապարակման պատրաստեց Կամո Խաչիկյանը

www.1or.am