Ծանոթ ու միաժամանակ անհայտ …Դելորդ արմանյակ
ՖՈՏՈ
Դյումայի վեպերից ամբողջ աշխարհում հայտնի հրացանակիր Դ'Արտանյանից հետո երկրորդ համաշխարհային ճանաչում ունեցող «գասկոնացին» Դելորդն արմանյակ է՝ նուրբ և հրաշագեղ սպիրտային խմիչքը։ Կար մի ժամանակ, երբ այդ ըմպելիքը գլխավոր դեր չէր խաղում, բայց քսաներորդ դարում նրա վառ բնույթը նպաստել է այդ ըմպելիքի արժեքի ճանաչմանը իսկական գիտակների կողմից։ Ներկայումս Դելորդ արմանյակի տունը աշխարհում ամենահայտնի և հարգվածներից մեկն է։
Այս հայտնի գասկոնացի արտադրողի պատմությունը սկսվել է 1875 թվականին, երբ գասկոնացի Պրոսպերո Դելորդը ներդրում է կատարել արմանյակ ըմպելիքի զարգացման մեջ։ Այդ ներդրումը բավականին հաջողակ էր շնորհիվ ապագա ընկերության սեփականատիրոջ գործարար հմտության և ինտուիցիայի։ Դելորդի կալվածքը գտնվում էր Ֆրանսիայի հարավ-արևմուտքում գտնվող Արմանյակ շրջանում։ Կալվածքը զբաղեցնում էր 21 հեկտար։ Պրոսպերոն այդ հողերը գրեթե ամբողջությունը վերածել էր իր սեփական հիանալի խաղողի այգիների։ Գտնվելով իդեալական հողի վրա նա սկսել է արտադրել սպիրտներ՝ անմոռանալի համով և բույրով։
Դելորդ Արմանյակի ավանդական հումքը Ունի Բլան, Ֆոլ Բլանշ և Կոլոմբարդ խաղողներն են: Սրանք հին տեսակներ են, որոնք վերապրել են Եվրոպան ավերած խաղողի որթի ժանտախտին՝ ֆիլոքսերային: Ավազոտ հողերը պարունակում են մեծ քանակությամբ երկաթ, ինչը թույլ է տալիս Դելորդին պահպանել ֆիլոքսերայի ժանտախտից առաջ գոյություն ունեցած որոշ հին խաղողի այգիներ: Հիշեցնենք, որ այդ վնասատուն տասնիններորդ դարի վերջին ոչնչացրեց Ֆրանսիայի խաղողի այգիների զգալի մասը: Դելորդը գործնականում մնաց այս այժմ անհետացած դասական խաղողի տեսակների միակ սեփականատերը:
21-րդ դարում էլ Դելորդ արմանյակը շարունակում է արտադրվել հին ավանդույթներով: Թորումը, ինչպես նախկինում, տեղի է ունենում ցածր արտադրողականությամբ հնաոճ թորման տարաներում: Այնուամենայնիվ, այս դանդաղ թորման շնորհիվ թորումը պահպանում է սպիրտի թանկարժեք բաղադրիչները, որոնք էլ ըմպելիքին տալիս են յուրահատուկ համ:
Ընկերության ներկայիս սեփականատեր Ժակ Դելորդը (Դելորդի հինգերորդ սերունդը) և նրա մասնագետները ընտրում են լավագույն թորվածքները՝ եզակի արմանյակային սպիրտներ ստանալու համար: Արմանյակի այդ տան պահոցներում կան տարբեր տարիքի բազմաթիվ տակառներ, որոնցում արմանյակը հասունանում է փուլերով: Այս մանրակրկիտ գործընթացի շնորհիվ էլ Դելորդ արմանյակը արժանիորեն համաշխարհային ճանաչում է վայելում:
Կ. Խաչիկյան
