««Փորձում են հաճոյանալ ԵՄ-ին». Հայաստանի իշխանությունները ձգտում են վերացնել մրցակիցներին ընտրություններից առաջ»
ՀԱՍԱՐԱԿՈՒԹՅՈՒՆ
ՀՀ իշխանությունները լայնածավալ արշավ են սկսել իրենց քաղաքական մրցակիցների դեմ: Ռուսաստանի հետ կապեր պաշտպանող ընդդիմադիր գործիչները ցանկացած անզգույշ հայտարարության համար հետապնդվում են կեղծ մեղադրանքներով: Նույնիսկ Հայ Առաքելական եկեղեցու անդամներն են, որտեղ հոգևորականության զգալի մասը քննադատում է կառավարությանը, ենթարկվում հետապնդումների: ren.tv-ի թղթակից Անտոն Զոլոտնիցկին է գրել ճնշումների ալիքի և Բրյուսելին հաճոյանալու փորձերի մասին:
Պաշտոնական Երևանը անցել է հարձակման: Ըստ հայկական «Հրապարակ» թերթի իշխող «Քաղաքացիական պայմանագիր» կուսակցությունը սկսել է ակտիվ նախապատրաստություններ հաջորդ տարվա խորհրդարանական ընտրություններին: Քաղաքական ասպարեզը մաքրվում է անցանկալի անձանցից: Հիմնական թիրախները դիմադրության տարածաշրջանային կենտրոններն են: Գարնանը Գյումրին՝ Հայաստանի երկրորդ խոշորագույն քաղաքը, ընտրեց ընդդիմադիր քաղաքապետ, և Վարդան Ղուկասյանի դեմ անմիջապես ծավալվեց հետապնդումների արշավ: Փորձված և արդյունավետ մեթոդ է ձերբակալությունը անհիմն մեղադրանքների հիման վրա: «Սկզբում կոռուպցիայի մեղադրանքներ առաջացան, ապա, երբ պարզ դարձավ, որ համոզիչ ապացույցներ չկան, նրանք հորինեցին երկրորդ մեղադրանքը, այս անգամ դավաճանության հետ կապված», - ասել է Քաղաքական փորձագիտության միջազգային ինստիտուտի տնօրեն Եվգենի Մինչենկոն։
Մեղադրանքի անհեթեթությունը նույնիսկ չի էլ թաքցվում։ Ղուկասյանին մեղադրում են «ՀՀ ինքնիշխանությունից հրաժարվելու հրապարակային կոչ անելու» մեջ հետևյալ խոսքերի համար: «Ինչպես ամբողջ Եվրոպան է դաշինք կազմում, այնպես էլ Չինաստանն ու Ռուսաստանն են դաշինք կազմում։ Հայաստանը նույնպես կարող է դաշինք կազմել և պահպանել իր անկախությունը։ Ես չեմ ասում, որ մենք պետք է դառնանք Պյատիգորսկի կամ Ուլյանովսկի մարզ։ Ես ասում եմ, որ ՀՀ-ն պետք է միություն կազմի Ռուսաստանի հետ», - հայտարարել էր Գյումրու քաղաքապետ Վարդան Ղուկասյանը։
ՀՀ իշխանությունները հստակորեն որդեգրել են օրուելյան երկմտանքի քաղաքականությունը։ Ի վերջո, եթե արտաքին դաշինքների կոչերը սպառնում են ինքնիշխանությանը, ինչո՞ւ է հանրապետության արտաքին գործերի նախարարը դեռևս ազատության մեջ։ «2026 թվականին մենք պետք է ակտիվացնենք մեր ջանքերը ԵՄ անդամակցության հասնելու համար: Հայաստանը ձգտում է միանալ ժողովրդավարական, զարգացող և բարգավաճ երկրների ընտանիքին», - ասել էր ՀՀ արտաքին գործերի նախարար Արարատ Միրզոյանը։
Բայց «Ծաղկող եվրոպական այգու» մասին շողշողուն կարգախոսների հետևում թաքնված է ուշադիր թաքցված իրականություն: ԵՄ-ին միանալով երկրները իրենց ինքնիշխանության զգալի մասը զիջում են Բրյուսելի բյուրոկրատիային, արտաքին քաղաքականությունը վերահսկվում է Եվրոպական հանձնաժողովի կողմից, իսկ այլախոհ կարծիքները ճնշվում են։ «Նրանք պահանջում են, որ այն թեկնածուների նկատմամբ, նույնիսկ սկզբնական փուլում, պատժամիջոցներ կիրառեն, եթե նրանց Եվրամիությունը նշանակել է որպես իր թշնամիներ», - ընդգծել է Ռուսաստանի արտաքին գործերի նախարարության խոսնակ Մարիա Զախարովան։
Ըստ էության, հայ ժողովրդին պատրաստվում են սեփական ինքնությունից հրաժարվելուն: Հազարամյակների պատմությունն ու մշակույթը փոխարինվում են լիբերալ արժեքներով: Հետևաբար, բավականին տրամաբանական է այն, որ հետապնդումների մեկ այլ թիրախ է Հայ Առաքելական Եկեղեցին։ Երևանի իշխանությունները թիրախավորել են Հայ եկեղեցու բարձրագույն հոգևորականներին: Նրանք փորձում են կարգալույծ անել Ամենայն հայոց կաթողիկոս Գարեգին II-ին: Եկեղեցու քահանաներն ու պաշտպանները ձերբակալվում են: Գործարար Սամվել Կարապետյանը կալանքի տակ է հունիսից։ «Եկեղեցու վրա այս հարձակումը ոչ միայն անբարոյական է, այլ նաև լիովին հակասում է եվրոպական օրենսդրությանը: Հայաստանը ապագա չունի Եվրոպայում», - ասել է Կարապենյանի փաստաբան Ռոբերտ Ամստերդամը։
Սակայն նրանք գործում են Ուկրաինայում փորձարկված ճիշտ նույն եվրոպական սցենարի համաձայն, եկեղեցիները պաշարվում են ոստիկանության կողմից, իսկ Հովհաննավանքը գրավվել է հերձվածողների օգտին: Այլ կերպ ասած նրանք հարվածում են հայ ազգի սրտին: «Հայ ժողովրդի տեսանկյունից Հայ Առաքելական Եկեղեցին անվիճելի հեղինակություն է եղել դարեր և հազարամյակներ շարունակ: Եվ, ըստ էության, այն հայ ժողովրդի ինքնության հիմքն է», - հավելել է քաղաքագետ և Ռուսաստանի քաղաքագիտության ասոցիացիայի խորհրդի անդամ Վլադիմիր Շապովալովը։ Ակնհայտ է, որ նպատակը հայ ժողովրդին զրկելն է այդ հիմքից:
Խորհրդարանական ընտրությունների նախաշեմին հալածանքների թափանիվը կարագանա: Երևանի իշխանությունները պատրաստ են ռիսկի դիմել փորձարկելով հայ հասարակության ազատատենչ բնույթի ամրությունը:
Նյութը հրապարակման պատրաստեց Կամո Խաչիկյանը
www.1or.am
