Մոտ 20 մարդ հարձակվել է թերթի խմբագրության վրա եւ ուժով...

Դատախազությունն արդեն մեղադրանք է առաջադրել անօրինական հարձակման եւ «վնաս հասցնելու» համար:

Մոտ 20 մարդ հարձակվել է թերթի խմբագրության վրա եւ ուժով դուրս բերել աշխատակիցներին: Այս մասին հայտնել են թերթի լրագրողները:

«Մոտ 20 մարդ, որոնք ենթարկվում են գործարար Մարիանո Մարտինես Ռոհասին, ներխուժել են շենք, որտեղ աշխատում են Tiempo Argentino եւ Radio America թերթերը, ծեծել են շենքը հսկող աշխատակիցներին»,-ասված է հաղորդագրության մեջ, որը հրապարակվել է թերթի ֆեյսբուքյան էջում: Լրագրողների խոսքով, հարձակվողները կոտրել են ներսում եղած սարքավորումները, որպեսզի խանգարեն թերթի լույս ընծայմանը:

Բուենոս Այրեսի դատախազությունն արդեն մեղադրանք է առաջադրել Ռոհասին՝ «անօրինական հարձակման» եւ «վնաս հասցնելու» համար:

Արգենտինայի իշխանությունները դատապարտել են տեղի ունեցածը: «Բարբարոսական հարձակումը Tiempo Argentino-ի վրա, հարձակում է սրբության՝ մամուլի եւ կարծիքի արտահայտման ազատության վրա»,- Twitter-ի իր էջում գրել է Արգենտինայի տեղեկատվության պետական միջոցների դաշնային համակարգի ղեկավար Էրնան Լոմբարդին:

Նշենք, որ երբ իշխանության եկավ նախագահ Մաուրիսիո Մակրին, Tiempo Argentino թերթի սեփականատերերը, որոնք պաշտպանում էին նախկին նախագահ Քրիստինա Ֆերնանդես դե Քիրշներին, դադարեցին աշխատավարձ վճարել աշխատակիցներին: Արդյունքում լրագրողներն սկսեցին ինքնուրույն կառավարել պարբերականը: Տեղի լրատվամիջոցների փոխանցմամբ, մի քանի ամիս առաջ թերթը գնել է Ռոհասը: