Hyundai-ն թողարկել է իր հայտնի քրոսովերի նոր սերունդը
ՖՈՏՈ
Hyundai Motor-ը ներկայացրել է Venue սուբկոմպակտ քրոսովերի նոր (երկրորդ) սերունդը, որը շուկաների մեծ մասում մակնիշի ամենակոմպակտ և էժան մեքենան է:
Երկրորդ Venue-ն առաջարկում է արմատապես վերափոխված՝ ավանգարդ ոճ, որը բնորոշ է Hyundai-ի բոլոր վերջին մոդելներին և օգտատերերի էլեկտրոնիկայով համալրվածության նոր մակարդակ, հաղորդում է Drom.ru-ն։ Միևնույն ժամանակ, էներգաբլոկների շարքը մնացել է անփոփոխ՝ նախորդի համեմատ։
Նոր Hyundai Venue-ն թողարկվում է առաջին սերնդի մոդելի պլատֆորմի վրա և ունի նույն շասսին։ Չափերը նույնպես գրեթե չեն փոխվել. երկարությունը՝ 4,0 մ, անիվային բազան՝ 2,52 մ։
Նոր Hyundai Venue-ի արտաքին տեսքում ավելի ընդգծված է նրա քրոսովերային պատկանելությունը. թևերի վրա ավելի ուժեղ է արտահայտված ռելիեֆը, որը տեսողականորեն ընդլայնում է անիվների հետքը, մեծացվել է անիվների կամարների և բամպերների ստորին հատվածի չներկված պաշտպանիչ պոլիմերային երեսպատումների մակերեսը, որոնց տեսքը նմանեցվել է մետաղական պաշտպանիչ թիթեղների։
Բազմաբաղադրիչ օպտիկան, որը բաղկացած է պարզ անկյունային երկրաչափական ձևերից, ամբողջությամբ լուսադիոդային է, ի տարբերություն նախորդ սերնդի մոդելի հալոգենային օպտիկայի։
Նոր Hyundai Venue-ի ինտերիերի կահավորանքը պարզ է, միևնույն ժամանակ կոնստրուկտորները չափ են պահպանել թվայնացման հարցում։ Տեղեկատվության ամբողջական ցուցադրման համար վահանակի վրա տեղադրված է հորիզոնական հարթությամբ կլորացված էկրան՝ երկու 12,3-դյույմանոց լայնաֆորմատ դիսփլեյներով՝ սարքերի վահանակի և մուլտիմեդիայի համար, որը ունիվերսալ է Hyundai-ի գրեթե բոլոր առջևի քարշակով մեքենաների համար։
Նոր սերնդի Hyundai Venue-ում օպցիաների ցանկին ավելացվել է լիարժեք մեկգոտիական կլիմա-կառավարում, որի կառավարման բլոկը ունի ավանդական կոճակներ և մեխանիկական կարգավորիչներ։ Ընդհանուր առմամբ, նոր Hyundai Venue-ի ինտերիերում չկա ոչ մի սենսորային կոճակ. Hyundai-ում շատ զգայուն են արձագանքել չափից ավելի թվայնացված ինտերիերների քննադատությանը և հիմնավոր աշխատանք են կատարել սխալների ուղղման ուղղությամբ։ Նույնիսկ փոխանցումատուփի ընտրիչի համար է պահպանվել հատակի լծակի սովորական ձևը։
Hyundai Venue-ի հիմնական իրացման շուկայում՝ Հնդկաստանում, այն առաջարկվում է բենզինային շարժիչների ընտրությամբ՝ 1,2 լ (83 ձիաուժ), 1,0 լ տուրբոմղումով (120 ձիաուժ) և 1,5 լ դիզելային շարժիչով (116 ձիաուժ)։ Փոխանցումատուփերը, կախված շարժիչից և գնորդի նախասիրություններից, մեխանիկական են կամ ավտոմատ հիդրոմեխանիկական, ինչպես նաև վարիատոր։ Քարշակը բացառապես առջևի անիվների վրա է։
Նոր Hyundai Venue-ը, ինչպես և նախորդը, արտադրվում է Հնդկաստանի Չեննաիի գործարանում։
