Ինչ կարող է պատմել մարդու քրտինքը նրա առողջական վիճակի մասին
ՖՈՏՈ
Քրտինքն օրգանիզմի բնական հովացնող հեղուկն է, ուստի այն շատ մեծ նշանակություն ունի: Առհասարակ՝ քրտիքը հոտ չունի և իրականում շատ ավելի մաքուր է, քան որոշ վայրերում հոսող խմելու ջուրը, սակայն մարմնի վրա գտնվող բակտերիաներին խառնվելու դեպքում այն սկսում է տհաճ հոտ արձակել:
Այնուհանդերձ՝ մարդիկ քրտնում են ոչ միայն շոգից և լինում են դեպքեր, երբ քրտիքը դառնում է առողջական լուրջ խնդիրների ախտանշան:
Ձեր ուշադրությանն ենք ներկայացնում առողջական այն խնդիրները, որոնց մասին կարող է վկայել առատ քրտնարտադրությունը:
Հոգեկան առողջություն
Գիտնականներն անց են կացրել մի գիտափորձ, որի շրջանակներում խնդրել են 36 կնոջ թեստավորել 12 տղամարդու քրտինքի հոտը: Ընդ որում՝ տղամարդկաց մի մասը դիտել է ուրախ տեսանյութեր, իսկ մյուս մասը՝ սարսափազդու: Կանանց մեծամասնությունը ժպտում էր ուրախ տեսանյութեր դիտած տղամարդկանց քրտինքի հոտը թեստավորելիս, սակայն ոչ մեկին դուր չի եկել մյուս խմբի տղամարդկանց քրտինքի հոտը:
Տագնապի մակարդակը
Սթրեսի դեպքում քրտիքն արտազատվում է ապոկրին գեղձերից: Այս դեպքերում այն լինում է ճարպի և սպիտակուցների խառնուրդ և արտազատվում է մաշկի այն հատվածներում, որտեղ կան մեծ քանակությամբ տհաճ հոտ առաջացնող բակտերիաներ: Երբ մարմինը տաքանում է քրտինքն արտազատվում է էկրին գեղձերից և չի ունենում սուր հոտ:
Հղիություն
Հորմոնալ փոփոխությունները կարող են ստիպել հղի կնոջ էնդոկրին համակարգին օրվա ցանկացած ժամին քրտինք արտադրել: Սա պայմանավորված է նրանով, որ հորմոնները ստիպում են օրգանիզմին մտածել, թե այն հովանալու կարիք ունի, մինչդեռ իրականում դա այդպես չէ:
Դաշտանադադար
Նախադաշտանադադարի և դաշտանադադարի ժամանակ կանանց մոտ հաճախ առաջանում են մակընթացություններ, որոնք ուղեկցվում են առատ քրտնարտադրությամբ, քանի որ ներզատական համակարգը փորձում է հովացնել մարմինը:
Արյան մեջ շաքարի ցածր մակարդակ
Երբ մարդու արյան մեջ շաքարի մակարդակն իջնում է, որպես նախազգուշացնող ախտանշան կարող է հակարծակի առատ քրտնարտադրություն նկատվել: Այս դեպքում սովորաբար քրտինքն արտազատվում է վարսերի և պարանոցի ետին հատվածում:
Օրգանիզմի արձագանքն ընդունած դեղամիջոցներին
Որոշ հակաբիոտիկներ, հոգեմետ դեղեր, ճնշումը կարգավորող դեղամիջոցներ, բերանի խոռոչի չորության դեմ պայքարող դեղեր ու հավելումներ կարող են առաջացնել առատ քրտնարտադրություն: Այս դեպքում հարկավոր է խորհրդակցել բժշկի հետ՝ չափաբաժինը նվազեցնելու կամ նշանակված դեղամիջոցը մեկ ուրիշով փոխարինելու համար:
Վահանաձև գեղձի հետ կապված խնդիրներ
Վահանաձև գեղձի դիսֆունկցիան առաջացնում է հորմոնալ փոփոխություններ, որոնք էլ նպաստում են առատ քրտնարտադրությանը: Սովորաբար քրտնարտադրությունը նվազում է, երբ վահանագեղձի գերակտիվությունը բուժվում է դեղորայքի կամ վիրահատության միջոցով:
Լիմֆոմա
Ավշային հանգույցների քաղցկեղը նույնպես կարող է նպաստել առատ քրտնարտադրությանը: Գիտնականները դեռ չեն պարզել, թե ինչով է պայմանավորված օրգանիզմի նման ռեակցիան, սակայն ենթադրվում է, որ սա օրգանիզմի պատասխանն է լիմֆոմայի մյուս ախտանշաններին (օրինակ՝ բարձր ջերմությանը):
Ավելորդ քաշ
Ավելորդ քաշը ստիպում է մարմնին ավելի մեծ ջանքեր գործադրել և քրտնել նույնիսկ ամենօրյա գործերն ու վարժությունները կատարելիս:
Բնական միջոցներ՝ առատ քրտնարտադրությունից ազատվելու համար
Առատ քրտնարտադրությունը նվազեցնելու համար կարելի է ընդունել խնձորի քացախի (1 թ.գ.) և բնական քացախի (2 թ.գ.) խառնուրդ: Այս խառնուրդը հարկավոր է ընդունել ուտելուց կես ժամ առաջ կամ հետո, կամ էլ դատարկ ստամոքսին:
Բացի այդ, թևատակերի առատ քրտնարտադրությունից ազատվելու համար կարելի է այդ հատվածում կատոֆիլի շերտեր դնել կամ եգիպտացորենի օսլայի և կերակրի սոդայի խառնուրդ քսել:
Նյութի աղբյուրը՝ med.tert.am
