Աֆղանստանն ու Պակիստանը հրադադարի շուրջ բանակցությունների երկրորդ փուլը կանցկացնեն Ստամբուլում

Պակիստանի արտաքին գործերի նախարարությունը և Աֆղանստանի պաշտոնյաները ուրբաթ օրը հայտարարել են, որ Թուրքիայի Ստամբուլ քաղաքում տեղի կունենա Պակիստանի և Աֆղանստանի միջև բանակցությունների երկրորդ փուլը, հաղորդում է Անադոլուն։

Պակիստանի արտաքին գործերի նախարարության պաշտոնական ներկայացուցիչ Թահիր Հուսեյն Անդրաբին երկրի մայրաքաղաք Իսլամաբադում լրագրողներին հայտնել է, որ շաբաթ օրվա հանդիպման նպատակն է ստեղծել «կոնկրետ և ստուգելի մոնիթորինգի մեխանիզմ»՝ անդրսահմանային ահաբեկչությունը կանխելու համար։

«Մենք ողջունում ենք Պակիստանի և Աֆղանստանի միջև 2025 թվականի հոկտեմբերի 19-ին Քաթարի Դոհայում ստորագրված համաձայնագիրը՝ որպես տարածաշրջանային խաղաղության և կայունության ապահովման առաջին քայլ», - ասել է Անդրաբին։ - «Պակիստանը նաև անհամբերությամբ սպասում է կոնկրետ և ստուգելի մոնիթորինգի մեխանիզմի ստեղծման վերաբերյալ հաջորդ հանդիպմանը, որը տեղի կունենա Թուրքիայի Ստամբուլ քաղաքում՝ 2025 թվականի հոկտեմբերի 25-ին, աֆղանական տարածքից դեպի Պակիստան ուղղված ահաբեկչության սպառնալիքը վերացնելու և պակիստանցիների շրջանում հետագա զոհերից խուսափելու համար»։

Քաբուլը հաստատել է, որ հանդիպումն անցկացվելու է Ստամբուլում։ Աֆղանստանի ժամանակավոր վարչակազմի ներկայացուցիչ Զաբիհուլլա Մուջահիդը հայտնել է, որ պատվիրակությունը գլխավորում է Ներքին գործերի փոխնախարար Մավլավի Ռահմաթուլլա Նաջիբը։

Նա հավելել է, որ աֆղանական պատվիրակությունը Քաբուլից մեկնել է Ստամբուլ։

Անցյալ շաբաթ տեղի ունեցած մի քանի օր տևած արյունալի սահմանային բախումներից հետո Դոհայում բանակցություններ են տեղի ունեցել Իսլամաբադի և Քաբուլի միջև՝ Կատարի և Թուրքիայի միջնորդությամբ և երկու կողմերը հասել են հրադադարի մասին համաձայնագրի, որն այժմ գործում է։ Պակիստանի արտաքին գործերի նախարարության պաշտոնական ներկայացուցիչ Անդրաբին նաև խորին երախտագիտություն է հայտնել Պակիստանին՝ «կառուցողական դերի» համար, որը Կատարն ու Թուրքիան ունեցել են երկու կողմերի միջև երկխոսությանը նպաստելու գործում։