«Սև» դիմակ՝ մաշկի թերություններից ազատվելու համար
ՖՈՏՈ
Վերջերս համացանցում հայտնի է դարձել դեմքի մաքրման նոր պրոֆեսիոնալ միջոց, որը հայտնի է Black Mask անվամբ։ Այն արտադրողները խոստանում են արագ մաքրել դեմքը ակնեներից, սև կետերից։ Սակայն այս միջոցը այնքան էլ էժան չէ մշտապես գնելու համար։
Այդ պատճառով այսօր Ձեզ ենք ներկայացնում դեմքի մաքրման ոչ պակաս արդյունավետ և օգտակար բաղադրատոմս։ Այն կդառնա Black Mask-ի հրաշալի այլընտրանք։ Դրա գլխավոր բաղադրիչը ակտիվացված ածուխն է, որը կարող է ոչ միայն հեռացնել մաշկի աղտոտվածությունը, այլ նաև մաքրել մաշկը վնասակար նյութերից։
Տնային դիմակ՝ ակտիվացված ածխով.
Բաղադրիչներ
- Ակտիվացված ածխի 2 դեղահաբ
- 1 ճաշի գդալ կոսմետիկ սև կավ
- Եռացրած ջուր
Պատրաստումը.
- Մանրացրեք ակտիվացված ածխի 2 դեղահաբը և խառնեք այն կավի հետ
- Ավելացրեք մի քիչ եռացրած և սառեցրած ջուր, որպեսզի ստացվի մածուցիկ խառնուրդ, ինչպես թթվասերը
Դիմակը պետք է քսել նախօրոք մաքրած դեմքին։ Դեմքը պետք է մաքրել բամբակով՝ խուսափելով աչքերի տակի հատվածներից։
Քսելուց հետո պետք է սպասել 10-15 րոպե, մինչև դիմակը ամբողջությամբ չորանա, հետո անհրաժեշտ է լվալ ջրով։ Արդյունքի համար բավական է նման դիմակ անել շաբաթական 1 անգամ։
