«Մայրս եղբորս ավելի շատ է երես տալիս». Ալլան` Դիանա Գրիգորյանի մասին
ՖՈՏՈ
Life.Tert.am-ը գրում է.
Tert.am Life–ը շարունակում է արտիստների ընկերների և հարազատների միջոցով բացահայտել նրանց։ Այս անգամ մեր հերոսուհին սցենարիստ, դերասանուհի Դիանա Գրիգորյանն է։ Նրա բնավորությունն ու տեսակը փորձեցինք բացահայտել 11–ամյա դստեր` Ալլայի և ընկերուհու` Ժաննա Բուտուլյանի միջոցով։
Ալլա
Բարի, հոգատար, գեղեցիկ ու խելացի մայրիկ ունեմ։ Ուսումնական շրջանում, մայրս առավոտյան միշտ մեզ տանում է դպրոց, հետո գալիս վերցնում այնտեղից։ Ազատ ժամանակ միասին գիրք ենք կարդում ու ֆիլմեր դիտում։ Մայրս խորհուրդ է տալիս հանրագիտարան կարդամ։ Դա ինձ շատ է պետք գալիս։ Տարբեր ֆիլմեր ենք նախընտրում դիտել, իսկ ավարտից հետո սկսում ենք քննարկել։ Նա ինձ խորհուրդ է տալիս բացասական հատկանիշներ չունենամ, ոչ բոլորին վստահեմ ու հավատամ։ Շատ կցանկանամ մայրիկիս նման լինել։
Նա նաև խրհուրդ է տալիս ամեն ինչ ինքնուրույն անել։ Երբ դպրոցում շարադրություն են հանձնարարում, մայրիկիս եմ դիմում, որ օգնի ինձ, իսկ նա միշտ ասում է` ինքնուրույն արա։ Չի եղել այնպես, որ իմ փոխարեն նա գրի։ Միշտ ես եմ գրել, իսկ նա ստուգել է։ Արդյունքից միշտ գոհ է եղել։
Երևանում մենք ունենք մեր սիրած վայրը։ Երկուսով հաճախ ենք զբոսնում Կասկադում։ Այնտեղ շատ հանգիստ է։
Ինչ–որ զվարճալի դեպքեր չեմ հիշի, բայց մեր ժամանցը միշտ ուրախ է անցնում։
Մայրս եղբորս ավելի շատ է երես տալիս։ Դե, դա նրանից է, որ նա փոքր է։
Շատ եմ սիրում մայրիկիս։ Ուզում եմ նա լինի առողջ, երջանիկ ու միշտ հաջողակ։
Ժաննա Բուտուլյան
Դիանան շատ պրոֆեսիոնալ է իր աշխատանքում։ Շատ լուրջ է մոտենում ամեն ինչին. սկսած թիմի ընտրությունից, ավարտած սցենարով, պրոդյուսերական աշխատանքներով։ Արդեն երկար տարիներ են` աշխատում եմ իր հետ։ Երբեք չի ձանձրացնում իր աշխատելաոճով։ Անընդհատ նորամուծություններ է անում և մնում հետաքրքիր։
Մենք բացի գործընկերներից նաև շատ լավ ընկերներ ենք։ Ընկերներ դարձանք «Հարազատ թշնամի» հեռուստասերիալի ընթացքում։ Որպես ընկեր` նա շատ լավն է։ Մեր թեմաները երբեք չեն սպառվում։ Կարող ենք խոսել ամեն ինչից։ Մի օր խոսում ենք շատ լուրջ թեմաներից, հաջորդ օրը, հնարավոր է, հումորային լինի մեր շփումը, ընդհանուր կատակներ ունենք, որ միայն մենք կհասկանանք։
Հաճախ ենք միասին ժամանակ անցկացնում։ Գնում ենք կինո կամ զբոսնելու երեխաների հետ։
Շարունակությունն՝ այստեղ.
