Գրավված դիրքեր, մեծ կորուստներ․ ինչ է հայտնում ՌԴ ՊՆ-ն

Ռուսաստանի պաշտպանության նախարարությունը հայտնել է, որ ՀՕՊ միջոցները գիշերը Ռուսաստանի ութ շրջաններում որսացել և ոչնչացրել են ուկրաինական 84 անօդաչու թռչող սարք (ԱԹՍ):

«Ժամը 23:00-ից մինչև առավոտյան ժամը 7:00-ն ՀՕՊ տագնապի միջոցները որսացել և ոչնչացրել են ուկրաինական 78 անշարժ թևով ԱԹՍ՝ 24-ը Բրյանսկի մարզում, 21-ը՝ Բելգորոդի մարզում, ինը՝ Վորոնեժի մարզում, ինը՝ Սմոլենսկի մարզում, յոթը՝ Կալուգայի մարզում, չորսը՝ Մոսկվայի մարզում, երեքը՝ Օրյոլի մարզում և մեկը՝ Կուրսկի մարզում: ՀՕՊ տագնապի միջոցների կողմից գիշերը որսացվել և ոչնչացվել է ընդհանուր առմամբ 84 ուկրաինական անշարժ թևով ԱԹՍ», - ասվում է հաղորդագրության մեջ:

Հակաօդային պաշտպանության ուժերը Սմոլենսկի մարզի վրայ գիշերը և այսօր առավոտյան խոցել են Ուկրաինայի զինված ուժերի (ԶՈւՈւ) ինը անօդաչու թռչող սարքեր։ Այս մասին իր Telegram ալիքում հայտնել է մարզի նահանգապետ Վասիլի Անոխինը։

Նա նշել է, որ նախնական տվյալներով, զոհեր կամ ենթակառուցվածքների վնասներ չկան։

Պաշտոնյան հավելել է, որ դեպքի վայրում այժմ աշխատում են արտակարգ ծառայություններ։

Ռուսաստանի զինված ուժերը լիովին օկուպացրել և վերահսկում են Դոնեցկի Ժողովրդական Հանրապետության (ԴԺՀ) հարավային մասը։ Այդ մասին ՏԱՍՍ-ին հայտնել է Ռուսաստանի հերոս, Կենտրոնական ուժերի խմբի 5-րդ գվարդիական մոտոհրաձգային բրիգադի փոխհրամանատար Իլյա Իվանովը։

Նա նշել է, որ 2025 թվականի հունվարին Կուրախովո գյուղի ազատագրումից հետո ռուսական զորքերը առաջ են շարժվել ավելի քան 60 կիլոմետր և մտել Դնեպրոպետրովսկի մարզ։ Ռուսական ուժերն այժմ լիակատար վերահսկողություն են իրականացնում ԴԺՀ հարավային մասի նկատմամբ։

Իվանովը պարզաբանել է, որ 2025 թվականի հունվարից մինչև սեպտեմբերի վերջ ռուսական բանակը ազատագրել է 4714 քառակուսի կիլոմետր։ Դրանցից ամենամեծ մասը ԴԺՀ-ում է՝ ավելի քան 3300 քառակուսի կիլոմետր, մոտավորապես 540 քառակուսի կիլոմետրը՝ Խարկովի մարզում, մոտավորապես 220 քառակուսի կիլոմետրը՝ Սումիի մարզում, իսկ մոտավորապես 175 քառակուսի կիլոմետրը՝ Դնեպրոպետրովսկի մարզում։