Մեկ օրում բացահայտվել է հանցագործության 120 դեպք. գրանցվել է 17 ավտովթար, վիրավորվել է 21 մարդ

ՆԳՆ ոստիկանությունը ներկայացրել է օպերատիվ իրավիճակը հանրապետությունում սեպտեմբերի 11-12-ը:

Բացահայտվել է 120 հանցագործություն, որոնցից 7-ը՝ նախկինում կատարված:

Մասնավորապես՝

21 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,

14 դեպք՝ մարմնական վնասվածք պատճառելու,

12 դեպք՝ թմրանյութի հայտնաբերման,

9-ական դեպք՝ ֆիզիկական ներգործության, խարդախության,

6-ական դեպք՝ անձնական ունեցվածքի գողության, թմրամիջոցներ պարունակող բույսեր ցանելու կամ աճեցնելու,

4 դեպք՝ հոգեկան ներգործության,

3 դեպք՝ ապօրինի ձեռնարկատիրական գործունեության,

2-ական դեպք՝ համակարգչային հափշտակության, գույքը ոչնչացնելու կամ վնասելու, սառը զենքի հայտնաբերման, աշխատանքի պաշտպանության կանոնները խախտելու, հետամտելու։

Բացահայտվել են նաև կողոպուտի, վստահված գույքի հափշտակման, շորթման, դրամանենգության, խուլիգանության, զենք-զինամթերքի առգրավման, թմրանյութի իրացման, ծառերը, թփերը ապօրինի հատելու, թմրամիջոցների մաքսանենգության, ինքնիրավչության, փաստաթղթի կեղծիքի, իրացման նպատակով կեղծ ալկոհոլային խմիչքների, հարկերը, տուրքերը կամ այլ վճարներ չվճարելու և այլ դեպքեր։

Նախկինում կատարված հանցագործություններից բացահայտվել է՝

5 դեպք՝ անձնական ունեցվածքի գողության,

2 դեպք՝ բնակարանային գողության։

Հայտնաբերվել է 4 հետախուզվող, կամավոր ներկայացել՝ 6-ը։

Հայտնաբերվել է 1 անհետ կորած։

Գրանցվել է զենք-զինամթերք կամավոր հանձնելու 7 դեպք։

ՃՏՊ վիճակագրություն

Անցած 1 օրում գրանցվել է 17 ավտովթար․ 21 մարդ ստացել է տարբեր աստիճանի մարմնական վնասվածքներ։