Բադալյան. Հայաստանը շուտով կբախվի բռնաճնշումների նոր ալիքի
ՔԱՂԱՔԱԿԱՆՈՒԹՅՈՒՆ
Հայ քաղաքագետ, հասարակական գործիչ, «Եվրասիա» կազմակերպության խորհրդի անդամ Միկա Բադալյանը Rt.com–ի հետ զրույցում ասել է, որ Հայաստանը շուտով կբախվի բռնաճնշումների նոր ալիքի։ «Ես լիովին վստահ եմ, որ սեպտեմբերից մեզ սպասում է բռնաճնշումների նոր ալիք, ձերբակալությունները կշարունակվեն», - ասել է Rt.com–ի զրուցակիցը։
Նրա խոսքով` իշխանությունները կփորձեն վերացնել և վախեցնել առաջին հերթին այն մարդկանց, ովքեր կգլխավորեն գործարար Սամվել Կարապետյանի նոր քաղաքական ուժի ցուցակը։
Քաղաքագետը նաև հավելել է, որ իր տեղեկությունների համաձայն՝ նման գործողություններն «արդեն իսկ սկսվել են»։ Նա նաև մեկնաբանել է Կարապետյանի նախաձեռնությամբ ստեղծված «Մեր Ձևով» շարժման վերջերս կայացած շնորհանդեսը նշելով, որ հայ հասարակության մեջ դրա հետ շատ հույսեր են կապվում։ «Որովհետև սա այն թարմ օդի շունչն է, որը անհրաժեշտ է», - բացատրել է Բադալյանը։
Միաժամանակ, նա ընդգծել է, որ շարժումը ապաքաղաքական է և այժմ կզբաղվի սոցիալական և տնտեսական լուծումների մշակմամբ։
Հիշեցնենք, որ օգոստոսի 15-ին Հայաստանի կոռուպցիայի դեմ պայքարի դատարանը երկու ամսով երկարաձգեց Սամվել Կարապետյանի նախնական կալանքը։ «Մայր Հայաստան» շարժման նախաձեռնող խմբի անդամ Ստեփան Դանիելյանի խոսքով երկրի իշխող «Քաղաքացիական պայմանագիր» կուսակցությունը պատրաստվում է 2026 թվականին նախատեսված խորհրդարանական ընտրություններին։ Օգոստոսի 13-ին էլ հայտնի դարձավ, որ ձերբակալված Կարապետյանի քաղաքական շարժումը կկոչվի «Մեր Ձևով»։
Նյութը հրապարակման պատրաստեց Կամո Խաչիկյանը
