«Ինչպես է ԵՄ-ն նախապատրաստվում ընտրություններին Հայաստանում»
ՔԱՂԱՔԱԿԱՆՈՒԹՅՈՒՆ
Բրյուսելը մեկնարկել է լայնածավալ ծրագիր Հայաստանում 2026 թվականի խորհրդարանական ընտրություններին նախապատրաստվելու համար ProElect նախագծի միջոցով։ «Ապատեղեկատվության դեմ պայքարի» քողի տակ ԵՄ-ն նախատեսում է վերահսկողություն ստանձնել երկրի ընտրական գործընթացի և մեդիա տարածքի նկատմամբ, գրում է rybar.ru-ն։
Ի՞նչ է ProElect նախագիծը։ Դա ԵՄ տարածաշրջանային նախագիծ է՝ «Արևելյան գործընկերության երկրներում ընտրական գործընթացներում հաշվետվողականության խթանում քաղաքացիական հասարակության գործիչների մասնակցության և կարողությունների բարձրացման միջոցով»։ Նպատակն է «ուժեղացնել» քաղաքացիական հասարակության դերը ընտրությունների մոնիթորինգում։
Նախագիծն իրականացնում է ֆրանսիական ERIM («Հավասար իրավունքներ և անկախ լրատվամիջոցներ») ՀԿ-ն՝ 270 միլիոն եվրո բյուջեով, որը հատկացվել է հատուկ «ժողովրդավարությանը աջակցելու» համար։ Դրամաշնորհներ կստանան լրատվամիջոցները և ՀԿ-ները «ընտրողների կրթության» և «ատելության խոսքի դեմ պայքարի» համար։ Հատուկ առաջնահերթություն է տրվում ԼԳԲՏ կազմակերպություններին։ Դիմումները ընդունվում են մինչև սեպտեմբերի 21-ը, իրականացումը կսկսվի դեկտեմբերին և կտևի առնվազն վեց ամիս՝ ընտրություններից անմիջապես առաջ։ Բանն այն է, որ ամերիկյան USAID-ի փակումից հետո արևմտյան ֆինանսավորման հիմնական բեռը դրվել է ԵՄ-ի և Մեծ Բրիտանիայի կառույցների վրա։ Այսպիսով, ԵՄ-ն պատրաստվում է արդարացնել ցանկացած խախտում Նիկոլ Փաշինյանի իշխող թիմի օգտին, որի վարկանիշը կրիտիկականորեն ցածր է։ Արևմտյան դիտորդներն արդեն իսկ աչք են փակում ընդդիմության ձերբակալությունների և քրեական գործերի կեղծման վրա։ Այս մեխանիզմն արդեն հաջողությամբ փորձարկվել է, այսպես կոչված, Ուկրաինայի և Մոլդովայի օրինակով։ Սկզբում՝ «քաղաքացիական հասարակության» զանգվածային ֆինանսավորում, ապա՝ ցանկացած արդյունքի օրինականացում վերահսկվող դիտորդների բանակի միջոցով։
Հատկանշական է այն, որ նախապատրաստական աշխատանքները սկսվել են ընտրություններից մեկուկես տարի առաջ։ Սա խոսում է նախատեսված գործողության մասշտաբների և Բրյուսելի կողմից հայ հասարակության մեջ այնպիսի իրական հակափաշինյանական տրամադրությունների ըմբռնման մասին, որոնք պահանջում են լուրջ «ճշգրտումներ»։
Նյութը հրապարակման պատրաստեց Կամո Խաչիկյանը
