Ատամները ակտիվացրած ածխի միջոցով սպիտակեցնելու արդյունավետ տարբերակներ
ՖՈՏՈ
Ատամնաբույժները համարում են, որ ակտիվացրած ածուխն ատամները տնային պայմաններում սպիտակեցնելու ամենաանվնաս միջոցն է: Այս մեթոդը մարդկանց հայտնի է շատ վաղուց և համարվում է անվնաս, արդյունավետ ու ոչ ծախսատար:
Ի տարբերություն ատամները տնային պայմաններում սպիտակեցնելու այլ ոչ մասնագիտական միջոցների (սոդա, ջրածնի պերօքսիդ և այլն)՝ ածուխը չի առաջացնում տհաճ հետևանքներ լնդերի բորբոքման ու ատամների էմալի բարակեցման տեսքով: Ածուխը գրեթե չունի համ ու հոտ, ուստի տհաճություն չի պատճառում նույնիսկ պատահաբար կուլ տալու դեպքում:
Ատամների մաքրման այս մեթոդի միակ թերությունն այն է, որ ատամներն ու լնդեր կարող են որոշ ժամանակով սևանալ, ուստի խորհուրդ չի տրվում ատամների սպիտակեցման պրոցեդուրան անցկացնել անմիջապես տնից դուրս գալուց առաջ:
Բացի այդ, այս մեթոդի կիրառումը չի նշանակում, որ կարելի է հրաժարվել մասնագետի օգնությունից: Ածուծը կօգնի ազատվել ատամնափառից, սակայն այն ոչ մի կերպ չի կարող ազատել ատամնաքարերից:
Օգտագործման եղանակը.
Ատամներն ակտիվացրած ածուխի օգնությամբ կարելի է մաքրել մի քանի եղանակով.
· Կարելի է մանրացնել ածուխի հաբը, լցնել այն ատամի մածուկի վրա և այդ կերպ մաքրել ատամները: Ատամների սպիտակեցման կուրսի համար խորհուրդ է տրվում վերցնել առանձին խոզանակ, որը կլինի ավելի փափուկ և չի վնասի ատամների էմալը:
· Բացի այդ, կարելի է նաև մանրացնել ակտիվացրած ածխի մի քանի դեղահաբ, ստացված փոշին լուծել մեկ թեյի գդալ ջրում, մինչև դառնա մածուցիկ զանգված, այնուհետև ստացված «մածուկը» լցնել ատամի խոզանակի վրա և դրանով մաքրել ատամները: Պրոցեդուրայի տևողությունն է մոտ 2 րոպե: Պրոցեդուրայից հետո բերանը ողողել ջրով և կրկնել պրոցեդուրան:
· Ատամներ սպիտակեցնելու համար կարելի է նաև պարզապես ծամել ակտվացրած ածխի դեղահաբը, ողողել բերանի խոռոչը և մաքրել ատամները հասարակ մածուկով: Սակայն հարկավոր է բերանի խոռոչը լավ ողողել ջրով, որպեսզի լնդերի վրա ածխի մնացորդներ չմնան:
Ատամների սպիտակեցման կուրսը տարբեր մարդկանց մոտ տարբեր տևողություն է ունենում: Հաճախ դրական արդյունքն ակնհայտ է լինում առաջին իսկ պրոցեդուրայից հետո: Բացի այդ, ակտիվացրած ածուխը մեղմորեն հղկում է ատամները, ուստի երրորդ պրոցեդուրայից հետո կարելի է ազատվել ատամների փառից: Առավել լավ արդյունքի հասնելու համար պրոցեդուրան հարկավոր է կրկնել պարբերաբար՝ 7-10 օրը մեկ:
Սակայն հարկ է հիշել, որ չնայած այս միջոցի անվտանգությանը, որոշ դեպքերում այն անհրաժեշտ է զգուշությամբ օգտագործել: Թույլ էմալ կամ զգայուն լնդեր ու ատամներ ունեցողները պետք է շատ ուշադրի լինեն: Բացի այդ, այս մեթոդից հարկավոր է հրաժարվել, եթե առաջին պրոցեդուրայից հետո ի հայտ են գալիս տհաճ կամ ցավոտ զգացողություններ:
