Հայ շախմատիստներն արժանացել են մրցանակների «31st Abu Dhabi International Chess Festival» միջազգային մրցաշարում

Հայ շախմատիստները արժանացել են մրցանակների «31st Abu Dhabi International Chess Festival» շախմատի միջազգային մրցաշարում։ Այս մասին հայտնել են Հայաստանի շախմատի ֆեդերացիայից:

Ա խմբում գրոսմայստեր Վահե Բաղդասարյանը դարձավ միանձնյա հաղթող՝ 9 հնարավորից վաստակելով 8 միավոր:

Բ խմբում Տիգրան Պետրոսյանը զբաղեցրեց 2-րդ հորիզոնականը: Տիգրանը նաև զբաղեցրեց 3-րդ հորիզոնականը մինչև 16 տարեկանների խմբում։

Բ խմբում Արթուր Ղարագյոզյանը զբաղեցրեց 7-րդ հորիզոնականը, իսկ Հայկ Խաչիկյանը՝ 8-րդը։

Բ խմբում լավագույն շախմատիստուհի ճանաչվեց Նարե Իսախանյանը:

Կանանց կայծակնային շախմատի մրցաշարում կանանց գրոսմայստեր Մարիա Գևորգյանը զբաղեցրեց 3-րդ հորիզոնականը:

Մինչև 16 տարեկան պատանիների կայծակնային շախմատի մրցաշարում ՖԻԴԵ-ի վարպետ Մանվել Առաքելյանը զբաղեցրեց 4-րդ հորիզոնականը, միջազգային վարպետ Բենիկ Ագասարովը՝ 5-րդը, իսկ Դավիթ Բաղդասարյանը՝ 10-րդը:

Ընտանիքների մրցաշարում (ծնող + երեխա) հաղթող ճանաչվեց գրոսմայստեր Վլադիմիր Հակոբյանի և ՖԻԴԵ-ի վարպետ Էդուարդ Հակոբյանի թիմը, իսկ արծաթե մեդալակիր դարձավ Արտակ Մանուկյանի և Սարգիս Մանուկյանի թիմը:

Մինչև 17 տարեկան պատանիների կայծակնային շախմատի մրցաշարում միջազգային վարպետ Բենիկ Ագասարովը զբաղեցրեց 1-ին հորիզոնականը:

Մինչև 15 տարեկան պատանիների կայծակնային շախմատի մրցաշարում Սարգիս Մանուկյանը զբաղեցրեց 4-րդ հորիզոնականը, Համլետ Սահակյանը՝ 5-րդը, իսկ Դավիթ Գրիգորյանը՝ 10-րդը:

Մինչև 13 տարեկան աղջիկների կայծակնային շախմատի մրցաշարում Գաբրիելա Հարությունյանը զբաղեցրեց 1-ին հորիզոնականը:

Մինչև 9 տարեկան պատանիների կայծակնային շախմատի մրցաշարում Արթուր Մարգարյանը զբաղեցրեց 5-րդ հորիզոնականը:

Մինչև 7 տարեկան պատանիների կայծակնային շախմատի մրցաշարում Մոնթե Վարդերեսյանը զբաղեցրեց 3-րդ հորիզոնականը: