«Մենք դա կլուծենք մեկ կոճակի սեղմումով». Գեներալ Գուրուլևը կոպիտ է պատասխանել ադրբեջանցի պատգամավորին
ՔԱՂԱՔԱԿԱՆՈՒԹՅՈՒՆ
Ռուսաստանի Պետդումայի պատգամավոր, գեներալ-լեյտենանտ Անդրեյ Գուրուլևը ծաղրական կերպով է նկարագրել ադրբեջանական բանակը։ Այդպես է նա արձագանքել Ադրբեջանի խորհրդարանի պատգամավոր Ռասիմ Մուսաբեկովի կողմից ռուսական բանակի հասցեին հնչեցրած վիրավորանքներին՝ «Քաղաքական Ռուսաստան»-ին տված հարցազրույցում, գրում է politnavigator.news-ը։
«Ադրբեջանական բանակի վերաբերյալ։ Նրանք գլխապտույտ են ապրում հաջողությունից։ Նրանք հաղթեցին Հայաստանից եկած այդ խելագարներին և կարծում են, թե իրենք մեծ են։ Հենց այդպես՝ խելագարներ։ Այնտեղ չկա բանակ, կա թյուրիմացություն։ Եվ պատկերացրեք, հիմա Ուկրաինայում ամեն ինչ աստիճանաբար կվերջանա, և այնտեղի միլիոնը կգա այնտեղ», - ասել է Գուրուլևը՝ հիշեցնելով, որ ադրբեջանական բանակը կռվում է խորհրդային և ռուսական զենքերով։
Հիշեցնենք, որ Մուսաբեկովը պնդել էր, թե Ադրբեջանի և Ռուսաստանի միջև սահմանը Մեծ Կովկասի լեռներն են և, հետևաբար, ռուսական բանակից «բեկորներ» կմնան։
«Ես ուզում եմ հիշեցնել այդ ընկերոջը, որ Չեչնիայում մեզ համար ամեն ինչ լավ ստացվեց։ Մենք ունենք լեռնային տեղանքում ռազմական գործողություններ իրականացնելու հսկայական փորձ։ Ուկրաինայի համեմատ Ադրբեջանի հարցը ռազմական առումով լուծվում է մեկ կոճակի սեղմումով», - ասել է Գուրուլևը։
Նյութը հրապարակման պատրաստեց Կամո Խաչիկյանը
