Միշտ երիտասարդ ու հմայիչ Մարգարետ Թետչերի դիետան. ինչպես 4 շաբաթում ազատվել 10-20 կգ ավելորդ քաշից

Մարգարետ Թետչերը կին էր, որը շատերի համար դարձավ կուռք: Նա միևնույն ժամանակ և՛ առնական էր, և՛ կանացի: Նա փոխում էր պատմության ընթացքը, սակայն միշտ առաջին հերթին մնում էր կին և միշտ հիասքանչ տեսք ուներ:

Նրա գեղեցկության գաղտնիքը լեգենդար անգլիական դիետան էր, որը թույլ է տալիս 4 շաբաթում ազատվել 10-20 կգ ավելորդ քաշից՝ առանց օրգանիզմը սովով տանջելու: Պարզապես հարկավոր է պահպանել դիետայի կանոններն ու սնվելու ոչ շատ խիստ ռեժիմը:

Ենթադրվում է, որ այս դիետան ամերիկյան Մեյո կլինիկայի աշխատակիցները մշակել են հատուկ «երկաթե տիկնոջ» համար:

Դիետայի առանցքային կետը մթերքի հատուկ համադրությունն է, իսկ սննդակարգի հիմնական բաղադրիչներն են ձուն ու ցիտրուսային մրգերը: Այս համադրությունը թույլ է տալիս շատ կարճ ժամանակահատվածում արդյունավետ կերպով այրել ճարպերը՝ առանց օրգանիզմին մեծ վնաս հասցնելու:

Դիետայի կանոնները.

1. Ճաշն ու ընթրիքը չի կարելի տեղերով փոխել: 

2. Եթե մթերքի հստակ չափաբաժինը նշված չէ, ապա այն կարելի է ուտել ուզածի չափ: 

3. Հավկիթները կարելի է մասամբ կամ ամբողջությամբ փոխարինել կաթնաշոռով: 

4. Կարելի է օգտագործել շաքարի փոխարինիչով քաղցրավենիք (դիետիկ կոլա, սառնաշաքար և այլն): 

5. Պարտադիր անհրաժեշտ է ուտել հնարավորինս շատ միրգ ու խմել մաքուր ջուր: 

6. Չի կարելի ուտել այնքան, որ ստամոքսում ծանրության զգացում առաջանա: 

7. Հարկավոր է օգտագործել նվազագույն քանակությամբ աղ և ավելի շատ համեմունքներ:

Արգելված մթերք.

• ոչխարի միս և յուղոտ խոզի միս, 

• կարտոֆիլ, եգիպտացորեն, 

• արմավ, բանան, մանգո, թուզ, խաղող, 

• կաթ, յուղոտ պանիր, 

• կենդանական ու բուսական յուղ, կարագ, 

• մսային արգանակ, 

• յուղոտ սոուսներ, 

• մակարոնեղեն ու հացահատիկներ, 

• հացաբուլկեղեն (բացի թույլ տրված ամբողջական հացահատիկից պատրաստված հացից), 

• շաքարավազ և դրանով պատրաստված քաղցրավենիք, 

• ալկոհոլ:

Այս դիետան հակացուցված է բաղադրիչներից ունեցած ալերգիաների, սրտի, լյարդի կամ երիկամների հիվանդությունների դեպքում: Բացի այդ, այն խորհուրդ չի տրվում նաև հղիության ընթացքում, ուստի հարկավոր է նախապես խորհրդակցել բժշկի հետ:

Մարգարետ Թետչերը կազմվածքը կարգի բերելու համար ուտում էր շաբաթական 28 հավկիթ:

Առաջին շաբաթը

Նախաճաշն ամեն օր նույնն է. 1-2 խաշած ձու, թեյ կամ սուրճ առանց շաքարի

1-ին օրը

Ճաշին՝ խնձոր, տանձ և կես նարինջ:

Ընթրիքին՝ 400 գրամ անյուղ տավարի միս՝ եփված ջեռոցում:

2-րդ օրը

Ճաշին՝ ջեռոցում եփված հավի կրծքամիս, խառը բանջարեղենով աղցան կիտրոնի հյութով:

Ընթրիքին՝ 2 խաշած ձու, թարմ վարունգով աղցան անանուխով կան մաղադանոսով, կես թուրինջ, մի կտոր ամբողջական հացահատիկից պատրաստված հաց:

3-րդ օրը

Ճաշին՝ թարմ լոլիկով, մաղադանոսով ու անյուղ պանրով աղցան, մի կտոր ամբողջական հացահատիկից պատրաստված հաց:

Ընթրիքին՝ կտրատված կանաչեղենով ու մանանեխով խաշած միս, կաղամբով ու գազարով աղցան՝ համեմված կիտրոնի հյութով:

4-րդ օրը

Ճաշին՝ մրգային աղցան անյուղ բնական յորգուրտով:

Ընթրիքին՝ ջեռոցում եփված հավ՝ քրքումով ու գինձով (համեմի սերմ), թարմ վարունգով, լոլիկով ու նեխուրով աղցան:

5-րդ օրը

Ճաշին՝ 2 հատ խաշած ձու, խաշած գազարով, կանաչ ոլոռով ու սոյայի սոուսով աղցան:

Ջեռոցում եփված ձուկ և պեկինյան կաղամբով աղցան՝ թուրինջով ու մաղադանոսով:

6-րդ օրը

Ճաշին՝ ջրով պատրաստված մրգային սմուզի (մեկ բաժակ):

Ընթրիքին՝ խաշած տավարի միս՝ վարունգով աղցանով ու սամիթով:

7-րդ օրը

Ճաշին՝ խաշած հավ, լոլիկով ու ռեհանով աղցան:

Ընթրիքին՝ ջեռոցում եփած բուլղարական պղպեղ՝ սխտորով ու կանաչեղենով, մի կտոր ամբողջական հացահատիկից պատրաստված հաց:

Երկրորդ շաբաթը

Ամբողջ շաբաթ նախաճաշը նույնն է՝ 1-2 խաշած ձու, թուրինջ և թեյ կամ սուրճ՝ առանց շաքարի:

1-ին օրը

Ճաշին՝ ջեռոցում եփված տավարի միս և թարմ բանջարեղեն:

Ընթրիքին՝ 2 հատ խաշած ձու, 1 հատ թուրինջ:

2-րդ օրը

Ճաշին՝ ջեռոցում եփված հավի կրծքամիս բուլղարական պղպեղով ու գազարով:

Ընթրիքին՝ 2 հատ խաշած ձու, 1 հատ նարինջ:

3-րդ օրը

Ճաշին՝ ջեռոցում եփված տավարի միս և թարմ կաղամբով, վարունգով ու կանաչեղենով պատրաստված աղցան:

Ընթրիքին՝ 2 հատ խաշած ձու, 3 հատ մանդարին:

4-րդ օրը

Ճաշին՝ 2 հատ խաշած ձու, բրինզայով ու կանաչեղենով աղցան, շոգեխաշած դդմիկներ ու գազար:

Ընթրիքին՝ 2 հատ խաշած ձու, 1 հատ նարինջ:

5-րդ օրը

Ճաշին՝ ջեռոցում եփված ձուկ՝ կիտրոնով ու խնկունիով (розмарин) կամ սամիթով:

Ընթրիքին՝ 2 հատ խաշած ձու, 1 հատ թուրինջ:

6-րդ օրը

Ճաշին՝ խաշած հավ, լոլիկով աղցան բուլղարական պղպեղով ու համեմով, 1 հատ նարինջ:

Ընթրիքին՝ 1 հատ խաշած ձու, մրգային աղցան ( հարկավոր է ավելացնել նաև թուրինջ) բնական անյուղ յոգուրտով:

7-րդ օրը

Ճաշին՝ ջեռոցում պատրաստված հավի կրծքամիս լոլիկով, դդմիկով, սխտորով ու կանաչեղենով, 1 հատ նարինջ:

Ընթրիքին՝ 2 հատ խաշած ձու, թարմ վարունգով ու նեխուրով աղցան:

Երրորդ շաբաթը

Նախաճաշին կրկին հարկավոր է ուտել ձու և ցիտրուսային մրգեր:

1-ին օրը

Ամբողջ օրվա ընթացքում հարկավոր է ուտել միայն մրգեր: Կարելի է պատրաստել մրգային աղցան մի փոքր անյուղ կաթնաշոռով ու բնական յոգուրտով:

2-րդ օրը

Ամբողջ օրը կարելի է օգտագործել շոգեխաշած կամ ջեռոցում պատրաստված բանջարեղեն: Խորհուրդ է տրվում ավելացնել ավելի շատ համեմունքներ ու թարմ կանաչեղեն:

3-րդ օրը

3-րդ օրը կարելի է ուտել թարմ կամ ջեռոցում եփված բանջարեն ու մրգեր, բացի արգելվածներից:

4-րդ օրը

Հարկավոր է ուտել օրվա ընթացքում 4 անգամ: Սնունդը պետք է բաղկացած լինի տապակած կամ խաշած ձկան, կաղամբով աղցանի, կանաչ տերևավոր բանջարեղենի, խաշած կամ ջեռոցում պատրաստված բանջարեղենի ոչ մեծ չափաբաժիններից:

5-րդ օրը

Տապակած կամ խաշած անյուղ միս կամ հավ, թարմ կամ խաշած բանջարեղեն: Այս ամենը հարկավոր է բաժանել 4 հավասար չափաբաժնի և ուտել օրվա ընթացքում:

6-րդ և 7-րդ օրերը

Ամենախիստ օրերն են. կարելի է ընտրել որևէ միրգ և ուտել այն օրվա ընթացքում:

Չորրորդ շաբաթը

Նշված մթերքը հարկավոր է բաժանել 5-6 հավասար չափաբաժինների և օգտագործել օրվա ընթացքում: Այլ մթերք ավելացնել չի թույլատրվում:

1-ին օրը

1 հատ թուրինջ կամ 2 հատ նարինջ, 4-ական լոլիկ ու վարունգ, թունա ձկան 1 մետաղյա տարրա (առանց յուղի), 300 գրամ խաշած կամ տապակած անյուղ միս:

2-րդ օրը

1 հատ տանձ կամ խնձոր, 200 գրամ սեխ կամ 1 հատ նարինջ, 1 հատ թուրինջ, 300 գրամ խաշած միս կամ հավի կրծքամիս, 4 հատ վարունգ, 3 հատ լոլիկ, մի կտոր ամբողջական հացահատիկից պատրաստված հաց:

3-րդ օրը

Անյուղ պանիր կան անալի բրինզա, 150 գրամ անյուղ կաթնաշոռ, խաշած կամ շոգեխաշած բանջարեղեն, 2 հատ վարունգ, 2 հատ լոլիկ, մի կտոր ամբողջական հացահատիկից պատրաստված հաց, 2 հատ նարինջ կամ 1 թուրինջ:

4-րդ օրը

400 գրամ խաշած հավ, 3 հատ լոլիկ, 3 հատ վարունգ, մի կտոր ամբողջական հացահատիկից պատրաստված հաց, 1 հատ նարինջ և 1 հատ թուրինջ:

5-րդ օրը

Տերևավոր բանջարեղենով պատրաստված աղցան, տապակած կամ ձեռոցում եփված ձուկ, 3 հատ լոլիկ, 3 հատ վարունգ, 2 հատ խաշած ձու, 1 հատ թուրինջ կամ 2 հատ նարինջ:

6-րդ օրը

400 գրամ խաշած հավի կրծքամիս, 150 գրամ անյուղ կաթնաշոռ կամ 150 գրամ բրինզա պանիր, մի կտոր ամբողջական հացահատիկից պատրաստված հաց, 3 հատ վարունգ, 3 հատ լոլիկ, 1 բաժակ կեֆիր, 2 հատ նարինջ կամ թուրինջ:

7-րդ օրը

150 գրամ անյուղ կաթնաշոռ, թունա ձկան 1 մետաղյա տարրա (առանց յուղի), շոգեխաշած բանջարեղեն, 3 հատ վարունգ, 3 հատ լոլիկ, մի կտոր ամբողջական հացահատիկից պատրաստված հաց, 1 հատ թուրիջ կամ 2 հատ նարինջ: