Էլթոն Ջոնն Օզզի Օսբորնին «ռոքի լեգենդ» է անվանել
ՄՇԱԿՈՒՅԹ
Բրիտանացի երգիչ-երգահան, դաշնակահար Էլթոն Ջոնը ցավակցել է հանրահայտ երաժիշտ Օզզի Օսբորնի մահվան կապակցությամբ՝ նրան անվանելով «ռոքի աստվածների լեգենդ»։ Նա այս մասին գրել է «Ինստագրամ»-ի էջում։
Էլթոն Ջոնն Օսբորնին անվանել է մտերիմ ընկեր և « իսկական լեգենդ, ռահվիրա, ով իր տեղը քանդակեց ռոքի աստվածների պանթեոնում»։
Նրա խոսքով՝ Օսբորնը նաև շատ ուրախ մարդ էր։
«Ես շատ կկարոտեմ նրան։ Իմ ցավակցություններն ու սերը Շերոնին և նրա ընտանիքին», - գրել է երաժիշտը։
Ջոնը գրառմանը կից հրապարակել էր իր և Օսբորնի լուսանկար, որտեղ նրանք կոստյումներով և փողկապներով են՝ դեմքերին ուրախ արտահայտություններով։
Օզզի Օսբորնը մահացելէ հուլիսի 22-ին 76 տարեկանում։ Դա տեղի է ունեցել Բիրմինգհեմում նրա հրաժեշտի համերգից երեք շաբաթ անց։ Ախտորոշված Պարկինսոնի հիվանդության պատճառով «մթի արքայազնը» չէր կարողանում քայլել և ամբողջ համերգն անցկացրել էր սև գահին նստած։
