Փաշինյանը հանգստանում է, որ մեկնի Ալթայ

Հայաստանի վարչապետի պաշտոնը զբաղեցնող Նիկոլ Փաշինյանն այս շաբաթ մեկնելու է Ռուսաստանի Դաշնություն։ Ալթայի երկրամասում տեղի է ունենալու նրա հանդիպումը Ռուսաստանի վարչապետ Միխայիլ Միշուստինի հետ։ Ալթայում բնապահպանությանը նվիրված մեծ գագաթաժողով է լինելու, որին մասնակցելու են նաև ԱՊՀ անդամ այլ պետությունների վարչապետներ։ Միշուստինը նաև առանձնազրույցներ կունենա Ղազախստանի ու Բելառուսի գործընկերների հետ։

Այս օրերին Փաշինյանն ակտիվ հանգստի մեջ է, մեր տեղեկություններով, իր ողջ շքախմբով մեկնել է Լոռու մարզի Դսեղ գյուղ, «Շաքարյան ռանչո», որտեղ էլ անցկացնում է իր հանգիստը պետական միջոցների հաշվին։ Ընդ որում, գյուղացիների և տեղի բնակիչների փոխանցմամբ, ապա տարածքում անվտանգության ահռելի մեծ ուժեր են տեղակայել, որպեսզի հանկարծ Փաշինյանի հանգիստը չխաթարվի։ Պետական պահպանության ծառայությունը, ողջ կազմով գտնվում է Դսեղում, նաև բազմաթիվ ոստիկանական մեքենաներ են շրջում՝ մի քանի օր շարունակ ահաբեկելով գյուղացիներին, խաթարելով նրանց անդորրը։

Իսկ հանգստացած Փաշինյանին Ռուսաստանում բավականին լուրջ խոսակցություն է սպասվում, Ռուսաստանի վարչապետն էլ մի քանի մեսիջներ ունի փոխանցելու վերջինիս։ Մասնավորապես, թե՛ Հայ առաքելական եկեղեցու դեմ նրա գործողությունների և թե՛ Ռուսաստանի քաղաքացի, գործարար, բարերար Սամվել Կարապետյանի մասով։

Ի դեպ, մեր աղբյուրների փոխանցմամբ ի սկզբանե Փաշինյանը ցանկացել է այդ միջոցառմանն ուղարկել փոխվարչապետ Մհեր Գրիգորյանին, ով կարողանում է լավ լեզու գտնել ռուսական կողմի հետ, բայց նրան հայտնել են, որ անհրաժեշտ է հենց իր ներկայությունը, քանի որ հարցերը վերաբերելու են անձամբ իրեն, այլ ոչ Հայաստանի կառավարությանը։ Ուստի սրտի դողով է մեկնելու Ալթայ։

Սիրարփի Մուսայելյան