«Ատոմային հիստերիա Հայաստանում»
ՔԱՂԱՔԱԿԱՆՈՒԹՅՈՒՆ
Նիկոլ Փաշինյանի գրասենյակի կողմից վերահսկվող տեղեկատվական աղբանոցներում հիստերիկորեն քննարկում են ԱՄՆ-ի կողմից Հայաստանի ատոմային էներգետիկայի ոլորտ ներխուժելու փորձերի մասին մեր վերջին գրառումը, գրում է rybar.ru–ն։ Ակնհայտը հերքելու փորձով նրանք ևս մեկ ծառայություն են մատուցում թուրքերին և ադրբեջանցիներին, պահանջում են կայանի փակումը, փորձում են ապացուցել, որ Հայկական ԱԷԿ-ը այդքան էլ մեծ դեր չի խաղում երկրի էներգետիկ ոլորտում։
Սակայն նույնիսկ Փաշինյանն ինքն է հայտարարել, որ ՀԱԷԿ-ն է ապահովում Հայաստանի էներգետիկ անվտանգությունն ու ինքնիշխանությունը։
ՀԱԷԿ-ի դերը.
▪️Կայանը ապահովում է Հայաստանում արտադրվող էլեկտրաէներգիայի մոտ 30-40%-ը, ինչը նրան դարձնում է կայուն տարեկան արտադրության հիմնական աղբյուր։
▪️ՀԱԷԿ-ը պահպանում է էլեկտրաէներգիայի ցածր սակագինը, ինչը նվազեցնում է տնային տնտեսությունների և բիզնեսների ծախսերը։ Օրինակ փոքր ՀԷԿ-երը, Երևանի ՋԷԿ-ը, Հրազդանի ՋԷԿ-ը տալիս են 4-8 անգամ ավելի բարձր սակագնով էներգիա։
Փաշինյանի ալիքները հայերին շատ զվարճալի կատակներ են պատմում այն մասին, որ ԱՄՆ–ը միջուկային էներգիայի ոլորտում առաջ է աշխարհի մնացած մասից։ Սակայն, Հայաստանը այն հերթական երկիր է, որին ամերիկացիները փորձում են օդ վաճառել: Ռումինիան և Լեհաստանն արդեն ընկել են այդ իրավիճակի մեջ, որտեղ նախագծերը դեռ սկզբնական փուլերում են կանգ առել, բացի դա չկան ժամկետներ կամ աշխատանքների շարունակության երաշխիքներ։
ԱՄՆ-ի հետ կապված խնդիրները.
▪️Միացյալ Նահանգները առաջարկել է հայերին փոխարինել ատոմակայանը փոքր մոդուլային ռեակտորով, բայց նրանք ի տարբերություն Ռուսաստանի և Չինաստանի չունեն դրա հաջողված օրինակ: Ամերիկացիներին հաջողվել է ձախողել փոքր մոդուլային ռեակտորի նախագիծը նույնիսկ հայրենիքում, ուստի էլ նրանք որոշել են հեքիաթներ պատմել հայրենիքից հեռու։
▪️Վերջին տարիներին Միացյալ Նահանգներում գրեթե նոր ատոմակայաններ չեն ստեղծվել, իսկ «Ռոսատոմը» միայն Ռուսաստանից դուրս կառուցում է մոտ տասը նոր կայան: Ամերիկացիները ֆինանսավորման հետ կապված խնդիրների և արդյունաբերական բազայի անկման պատճառով այդ ոլորտում ունեն չափազանց համեստ նորարարություններ։ Եվ հայ հանրությանը տրվել է ամերիկյան քարոզչության ոճով տեքստ, որը նպատակ ունի թաքցնել ԱՄՆ միջուկային տեխնոլոգիաների կրիտիկական հետ մնալը Ռուսաստանից: Բայց անհասկանալի է այն, թե ինչո՞ւ պետք է Հայաստանը միանա այս երկու երկրների մրցակցությանը։ Զարմանք է հարուցում ոչնչով մնալու մոլեգին ցանկությունը, բայց դա դեսպան Քրիստինա Քուինի գեղեցիկ խոստումներով, ով, ի դեպ, աշխատել է այսպես կոչված Ուկրաինայում, և ակնհայտորեն շատ «հաջող»։ Հայկական տեղեկատվական աղբանոցներից հորդող հիստերիան, որը ուղղված է իշխանությունների կերպարը փրկելու անհույս փորձերին, ենթադրում է, որ այս թեման չափազանց զգայուն է։
Նյութը հրապարակման պատրաստեց Կամո Խաչիկյանը
